Jeremiah 38:22 - Hawaii Pidgin Bible

²² Da Babylon army guys goin bring outside all da wahines dat still stay alive inside da Judah king palace. Dey goin give um to da leada guys fo da Babylon king. Dose same wahines goin tell you: “ ‘Ahana kokolele! Yoa frenz dat you tink was tight wit you, Dey wen bulai you an make you follow dem! But den, yoa frenz wen bag from you, Jalike yoa feets stay stuck inside da mud awready!’

Jeremiah 38:22 ပူးပေါင်းရင်းမြစ်များ

Job 6:15

But I no can trus my braddahs. Dey jalike da streams dat flow today an tomorra no moa. Da kine streams dat can ovaflow,

Songs 41:9

Even my bestes fren, Da guy I wen trus plenny, Da guy dat stay an eat at my house Befo time, Even him wen go agains me!

Songs 69:14

Get me outa hea, Cuz jalike I go down Inside da slimy mud. Get me outa trouble From da peopo dat hate me, Cuz jalike I stay inside da deep watta.

Songs 69:2

Jalike I go deep down inside da mud An no mo place Fo me stan up down dea! Jalike I stay inside one stream Full a watta An da watta go up An cova my head!

Isaiah 42:17

But da peopo dat trus da idol kine gods An tell da metal statues, ‘You oua gods,’ Dey goin go back, dey no goin come by me! Dey goin come plenny shame!”

Jeremiah 13:21

You guys wen work hard Fo make da Babylon peopo tink You guys dea frenz. So den! How you guys goin handle bumbye Wen Da One In Charge put dem in charge a you guys?! You guys goin come real sore, Jalike one wahine ready fo born one bebe!

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 27:14

No lissen wat da guys dat tell dey talk fo Da One In Charge tell! Dey tell you guys no work fo da Babylon king fo bulai you!

Jeremiah 27:15

Da One In Charge tell he neva sen dem. Dey tell dey talk fo him, but dey bulai. Az why he goin kick you guys outa yoa land, an you goin come wipe out, you an all da guys dat tell you guys dat dey talk fo him.’ ”

Jeremiah 38:19

King Zedekiah tell Jeremiah, “I sked a da Judah guys dat wen go ova da Babylon guys side. Cuz maybe da Babylon guys goin turn me ova to dose Judah guys, an dey goin make any kine to me.”

Jeremiah 38:21

But if you no give up, dis wat Da One In Charge wen show me jalike in one dream:

Jeremiah 41:10

Ishmael catch all da odda peopo inside Mizpah, an make dem prisonas: da king girls, an all da odda peopo dat stay dea too. Nebuzaradan, da main officer fo guys dat guard da Babylon king, wen pick Gedaliah, Ahikam boy, fo stay in charge a dem. But Ishmael, Netaniah boy, wen make all da odda peopo dea come his prisonas an start fo take dem da odda side a da Jordan Riva, to da Ammon ohana land.

Jeremiah 43:6

An dey take away all da guys, da wahines, da kids an ol peopo, an da Judah king girls, dat Nebuzaradan, da main officer fo da Babylon king guard, wen leave wit Gedaliah, Ahikam boy an Shafan grankid, an Jeremiah da guy dat talk fo God, an Baruk, Neriah boy.

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 6:12

Odda peopo goin take ova dea houses, Dea fields, an dea wifes, eryting dey get! Dat goin happen wen I use my powa Agains da peopo dat live inside dis land. Az da message from Da One In Charge.

Jeremiah 8:10

“Az why I goin give dea wifes to odda guys. An I goin give dea fields to odda guys dat like take ova um. From da mos importan guy to da mos small guy, All dem greedy fo get eryting fo ony dem. Even da guys dat suppose to talk fo me An da pries guys, dey all same same. All dem bulai.

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 1:2

Jerusalem jalike one wahine dat stay cry real hard nite time. Get tears all ova da cheeks. Jalike befo time get plenny guys dat get love an aloha fo her, But now, no mo nobody fo make her feel mo betta. Jalike all her frenz sell her out. Jalike dey go agains her.

Sad Song 5:11

Guys rape da wahines inside Jerusalem, An da young girls dat neva sleep wit one guy inside da Judah towns.

Micah 7:5

No lissen da guy dat stay close to you. No trus yoa fren. Watch out bout wat you tell, Even to yoa wife.