Jeremiah 37:21 - Hawaii Pidgin Bible

²¹ Den King Zedekiah tell his guys fo put Jeremiah inside da palace open lanai wea get security guard guys. He tell um fo give Jeremiah one roun bread from da street wea da baker guys make bread, ery day till all da bread inside Jerusalem all gone. Dass how Jeremiah stay inside da open lanai dat get security guard guys.

Jeremiah 37:21 ပူးပေါင်းရင်းမြစ်များ

2 Kings 25:3

Den, July 18 dat year, get hard time, cuz no mo food inside da big town. No mo notting fo da peopo eat.

Job 5:20

Wen no mo food, he goin do wat he gotta do so you no mahke. Wen get war, he goin proteck you from da swords.

Songs 37:19

Wen eryting stay bad, Dey no goin come shame. Wen no mo notting fo eat, Dey goin get plenny fo eat.

Songs 37:3

Trus Da One In Charge an do good tings. Live on top yoa land An take kea da land.

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Smart Guys 21:1

Wen one king guy gotta make up his mind wat fo do, Da One In Charge, he da One Stay in charge a wat da king pick. Az jalike da guy in charge a da watta ditch. He make da watta go wea eva he like make um go.

Isaiah 33:16

Dey da peopo goin live up high in da mountains Wea nobody can hurt dem, Cuz get strong wall an high cliff ova dea, An dey get plenny food an watta.”

Jeremiah 20:2

Pash-hur tell his worka guys fo go bus up Jeremiah, da guy dat talk fo God, an lock his legs inside da holes in da wood frame shackles dat stay dea by da gate fo da mauka side a da open lanai fo da Temple, wea da road to da Benjamin land go, fo Jeremiah no move.

Jeremiah 32:2

Az was da time wen da army fo da Babylon king stay all aroun Jerusalem fo nobody go inside o come outside. An Jeremiah, da guy dat talk fo God, stay one prisona inside da patio in da middo a da guard guys building fo da Judah king palace.

Jeremiah 32:8

“Den, jalike how Da One In Charge wen tell, my cousin Hanamel come by me inside da patio fo da guard guys place. He tell, ‘Buy my field Anatot side, inside da Benjamin ohana land. Cuz you get da right fo buy um an keep um inside da ohana. Buy um fo you.’ “I know dass wat Da One In Charge wen tell,

Jeremiah 33:1

Da One In Charge wen give anodda message to Jeremiah. Dis happen da same time Jeremiah still stay inside da patio fo da security guard guys house. Da One In Charge tell:

Jeremiah 38:13

Den dey pull um up wit da rope, an take him outa da big hole. From den, Jeremiah stay inside da palace open lanai wea get security guards.

Jeremiah 38:28

So Jeremiah stay inside da patio in da middo a da guard guys building, till da time wen da Babylon guys take ova Jerusalem.

Jeremiah 38:6

So dey take Jeremiah an put him down inside one big hole fo keep watta. Malkijah, da king boy, own da hole, dat stay inside da open lanai wea get da security guards. Dey put Jeremiah down inside da hole wit ropes. But dat big hole, no mo watta inside um dat time. Ony get mud, an Jeremiah sink down inside da mud.

Jeremiah 38:9

“Eh, you my king an you da boss! Dese guys wen do one real bad ting to Jeremiah, da guy dat talk fo Da One In Charge! Dey wen put him down inside one big hole fo watta. He goin mahke down dea cuz no mo notting fo eat. Right now, no mo bread inside Jerusalem town, you know.”

Jeremiah 52:6

Den, July 18 dat year, no mo food fo da Jerusalem peopo fo eat, an dey suffa plenny.

Sad Song 5:10

Oua skin stay hot jalike one oven. We get feva cuz we hungry.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Jesus Guys 12:5

So Peter stay inside da jail, an all da church peopo pray real hard fo him.

Jesus Guys 24:27

Two year layta, Porcius Festus take Felix place, but Felix like do someting fo da Jew guys, so he leave Paul inside prison.

Jesus Guys 28:16

We go inside Rome, an dey let Paul stay inside one place wea ony he stay, an one army guy guard um.

Jesus Guys 28:30

Fo two year, Paul stay ova dea inside one house he wen rent. He show aloha fo all da peopo dat come by him.

Efesus 4:1

I stay lock up in prison cuz I stay tight wit Da One In Charge. Dass why I stay tell you guys dis. Eh! Dis how I like fo you guys live. Da One In Charge wen tell you guys fo come be his guys an dass how you guys gotta live fo real kine.

Efesus 6:20

I jalike one messenja guy from God fo tell da Good Kine Stuff Bout Christ, no matta I stay all chain up. Pray dat I tell da Good Stuff an no come sked, jalike I suppose to do.

2 Timoty 1:8

So no come shame wen you tell wat you know bout Da One In Charge a us guys! An no come shame fo me cuz I stay in prison. I stay dea cuz I tight wit Da One In Charge. Wen you tell da Good Kine Stuff From God, stay ready fo suffa jalike all us guys! Wen you tell da Good Kine Stuff From God an suffa, God goin make you strong!

2 Timoty 2:9

Wen I tell peopo dis, dey make me suffa. Sometimes dey even tie me up wit chains jalike I one crook. But you know wat? No can tie up da stuff God tell wit one chain!