Jeremiah 36:29 - Hawaii Pidgin Bible

²⁹ An tell Jehoiakim, da king fo da Judah peopo: ‘Dis wat Da One In Charge tell: You wen burn dat roll up kine book. An you wen tell, “How come you wen write dat fo shua, da Babylon king goin come an wipe out dis land an kill da peopo an da animals inside um?!”

Jeremiah 36:29 ပူးပေါင်းရင်းမြစ်များ

Job 15:24

Dey come all bum out an dey get stress. Az why dey real sked. Dey no can handle. Dey feel jalike dey wait fo one king attack um.

Job 15:25

All dat happen cuz da bad kine guys make fis fo fight God! Dey get big head an tink dey can handle Da God Dat Get All Da Powa!

Job 40:8

“You tink az fo real dat I no judge da right way, o wat? You goin tell I get da blame fo you show proof you right?

Isaiah 29:21

Da guys dat use words Fo make some odda guy do someting bad, Da guys dat trap one guy Dat stay talk to da judge, Da guys dat bulai bout one guy dat neva do notting bad, No matta wat dey tell no mean notting, Dey no goin stay.

Isaiah 30:10

Dey tell da guys dat can see Wass goin come bumbye, jalike one dream, ‘No see stuff wen you dream!’ Dey tell da guys dat talk fo God, ‘No tell us wat God tell Bout wat stay right! Tell us ony da kine stuff dat make us feel good inside. Tell us dat God tell all nice kine stuff, No matta az not true!

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Jeremiah 21:10

I make up my mind awready dat fo shua da bad kine stuff, an not da good kine stuff, goin happen to dis big town. Da Babylon king goin take ova da town, an he goin wipe um out wit fire.’ Az wat Da One In Charge tell.

Jeremiah 25:13

I goin make happen eryting dat I wen tell goin happen agains da Babylon land, an eryting dat stay inside dis book, an eryting Jeremiah wen tell fo me agains all da diffren peopos.

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 26:9

How come you stay use Da One In Charge name an tell dat you stay talk fo him, but you stay tell dat dis Temple goin come jalike Shiloh town, an dat dis Jerusalem town goin come wipe out an no mo nobody goin live hea?!” An all da peopo wen come togedda agains Jeremiah in front da Temple Fo Da One In Charge.

Jeremiah 28:8

From befo time, da guys dat wen talk fo Da One In Charge befo me an you, dey wen tell bout all da bad kine stuff dat goin happen to plenny countries an plenny strong kings. Dey tell how goin get war, an real bad kine tings goin happen, an goin get da real bad kine sick.

Jeremiah 32:3

Befo time, Zedekiah da king fo Judah put Jeremiah inside da prison patio ova dea, cuz he tell, “How come you tell you talk fo God, aah?! You tell, ‘Dis wat Da One In Charge tell: I goin give dis town to da Babylon king. An he goin come take um ova.

Jeremiah 33:12

Dis wat Da One In Charge, da God Ova All Da Armies, tell: “Inside dis place dat no mo peopo o animals now, aroun all da towns dea, goin get fields wit grass wea da sheep guys goin take dea sheeps an goats fo res dea.

Jeremiah 36:23

Wen Jehudi pau read three o four page from da roll up book, da king cut um off wit one small knife an throw um inside da fire pot, till he burn up da whole book inside da fire.

Jesus Guys 5:28

Da Main Pries Guy tell, “Lissen! We wen tell you guys you betta not teach da peopo bout da guy Jesus, an tell he give you da right fo use his name fo do stuff. But you guys still yet teach dis kine stuff all ova Jerusalem. An you even like poin finga us fo kill him!”

Jesus Guys 5:39

But if da ting come from God, you no can stop um. You ony stay beefing God.”

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

Rules Secon Time 29:19

“Wen dat kine guy hear wat dis strong promise tell, he aks fo good kine stuff fo him from Da One In Charge. Cuz a dat, he tink, ‘I goin be okay, no matta I still yet do wat I like.’ Cuz he tink lidat, God goin wipe out da land dat get watta, an da dry land too.