Jeremiah 33:26 - Hawaii Pidgin Bible

²⁶ An jalike I neva broke dat deal, I no goin broke my deal bout da Jacob ohana, o da peopo dat goin come from my worka guy David! Fo shua I goin pick guys dat come from him, fo stay king fo da peopo dat come from Abraham, Isaac, an Jacob. Az cuz I goin bring um back from prison, an I get love an pity fo dem.”

Jeremiah 33:26 ပူးပေါင်းရင်းမြစ်များ

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

Ezra 2:1

Befo time, King Nebukadnezza army guys wen take da Jew peopo away from dea land fo go live inside aroun Babylon town. Now dey start fo go back Jerusalem town an da odda towns Judah side. Dis da ohana names fo all da peopo going back.

Ezra 2:70

So den, da pries guys, an da helpa guys from da Levi ohana, da singa peopo, da guys dat watch da Temple gate, da worka guys fo da temple, an some a da regula peopo wen go da small towns nea Jerusalem. Da odda peopo go da towns inside da Judah land wea dey come from.

Songs 126:1

Wen Da One In Charge Bring back da prisonas From Babylon side to Mount Zion, All us guys feel Jalike az was one dream!

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Isaiah 54:8

I wen get real mad, Jalike one flash flood, Cuz I no like wat you guys stay do dat time. I turn my face away so you no can see um Fo short time. But I get love an pity fo you guys, An I goin stay tight wit you foeva.” Dass wat Da One In Charge tell, Da One dat pay da price Fo get you guys outa trouble.

Jeremiah 3:12

Go, tell dis fo da Israel peopo hear um: “Da One In Charge tell, ‘Go come back by me, you Israel peopo Dat wen tell “Laytas” to me. I no goin give you guys stink eye no moa. Cuz I like give you guys chance, I no goin stay huhu all da time.

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Jeremiah 31:37

Dis wat Da One In Charge tell: “No mo nobody can measure da sky up dea, An no mo nobody can find all da foundations down undaneat da earth! Same ting, I no goin throw out all da Israel ohana Cuz a all da kine stuff dey wen do!” Az wat Da One In Charge tell.

Jeremiah 33:24

“You no hear wat dese peopo stay tell, o wat?! Dey tell: ‘Da One In Charge wen throw out da two main ohanas, Judah an Israel, dat he wen pick befo time an dea peopo.’ So dese peopo ack jalike my peopo no good, an no even tink dat my peopo one nation no moa.”

Ezekiel 39:25

“Az why me, Da One In Charge, da Boss, tell dis: Now I goin bring da Jacob peopo back from wea dey stay prisonas far away. I goin show love an pity fo da Israel peopo. I goin go all out fo keep my good name an fo show how good an spesho me!

Hosea 1:7

Mo betta, I goin show pity fo da Judah ohana, an I goin get dem outa trouble. But I no goin do dat wit bows an arrows, o swords, o war, o wit da guys dat ride da horses. I dea God, Da One In Charge, so I no goin need all dat fo me get um outa trouble.”

Hosea 2:23

I goin plant da Israel peopo inside da land fo be my peopo. I goin show love an pity fo da ones I wen call um Lo-Ruhamah, dat mean ‘nobody pity dem.’ An fo da ones dat I wen call um Lo-Ammi, dat mean ‘dey not my peopo,’ But I goin tell um, ‘Now you my peopo!’ An dey goin tell, ‘You oua God.’ ”

Zekariah 10:6

“I goin make da Judah ohana come strong. I goin get da Joseph ohana outa trouble. I goin bring dem back Cuz I get love an pity fo dem. Dey goin come jalike I neva leave dem. Cuz me Da One In Charge dea God, An I goin help dem wen dey pray to me.

Rome 11:32

Dis how stay now, God wen make erybody no do wat he tell um fo do, jalike dey jam up. He do dat cuz he like give chance to erybody, same same.