Jeremiah 33:20 - Hawaii Pidgin Bible

²⁰ “Dis wat me Da One In Charge tell: You tink can broke da deal I wen make bout da day time an da nite time, fo make da day time an da nite time no follow each odda?! No can!

Jeremiah 33:20 ပူးပေါင်းရင်းမြစ်များ

Start 1:17

God put da lights up dea inside da sky fo shine light on top da groun,

Start 8:22

“From now till da world pau, Goin get time fo plant seed an fo harves food. Cold time an hot time, Summa time an winta time, Day time an nite time, Goin stay lidat foeva.”

Songs 148:6

Da One In Charge, he wen put um Wea dey suppose to be Fo stay dea foeva. He wen make one rule fo dem, An dat rule no goin change.

Songs 89:34

I no goin stick finga At da deal I wen make wit him. I no goin change wat I wen tell.

Songs 89:37

Dey goin be dea foeva in front me, Jalike da moon stay all da time Inside da clouds, Fo show dat I no change my mind.” (Time out fo da music.)

Isaiah 66:22

“Jalike da new sky an da new earth dat I stay ready fo make, goin stay long time in front me, da peopo dat goin come from you guys goin stay long time, an peopo no goin foget wat kine peopo you guys, long time too.

Jeremiah 33:19

Dis message from Da One In Charge come fo Jeremiah too:

Prieses 26:44

But no matta all dat. Wen dey stay inside da land a da peopo dat stay agains dem, I no goin make jalike dey no good, fo wipe um out to da max. I no goin broke da deal I wen make wit dem. Cuz me Da One In Charge, dea God.