Jeremiah 33:2 - Hawaii Pidgin Bible

² “Dis wat me, Da One In Charge, tell: Me, Da One In Charge, I make da plan An I shape um an put um togedda. Az wat kine god me, Da One In Charge.

Jeremiah 33:2 ပူးပေါင်းရင်းမြစ်များ

Songs 102:16

Cuz Da One In Charge goin build Jerusalem town one mo time. Den, peopo goin see how awesome he stay.

Songs 87:5

Dey goin tell dis Bout Mount Zion inside Jerusalem: “All dis peopo, jalike dey wen born dea.” God goin talk lidat, Cuz he da God Dass Mo Importan Den All Da Odda Gods, An he goin make Jerusalem town Da main place.

Outa Egypt 15:3

Da One In Charge, he da One dat know how fo fight! Da One In Charge, dass who him!

Outa Egypt 6:3

Da times I show up to Abraham, Isaac, an Jacob, dey call me Da God Dat Get All Da Powa. But I neva let dem know me wit my real name Da One In Charge.

Isaiah 14:32

Wen da messenja guys from dat army aks you If you guys goin give up, Tell um, “No way! Was Da One In Charge Dat put his big town Jerusalem hea. Fo da peopo dat need help, Dey can go inside Jerusalem An nobody goin hurt um dea.”

Isaiah 37:26

“ ‘Eh Sennakerib, you neva hear, o wat? From long time me, Da One In Charge, wen start fo make all dis happen, Befo time, I wen make da plan dat way awready, An now I stay make um happen— Fo you bus up da towns dat get strong wall An make um come uku pile a rocks,

Isaiah 42:8

“Me, Da One In Charge. Dass my name—‘Da One Dat Stay’! I no goin let nobody tink Dey awesome jalike me. I no goin let da peopo tell good kine stuff Bout da idol kine gods Jalike dey tell bout me.

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Isaiah 43:21

I wen make dose peopo fo me Fo dem talk story Bout da good tings I stay do.

Isaiah 62:7

No let Da One In Charge res, Till he make Jerusalem solid, An make all da peopo on top da earth talk good bout him.

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Jeremiah 16:21

An Da One In Charge tell me, Jeremiah: “Az why, dis time, I da One goin make all da countries know How strong I stay, An I not sked a notting! Den dey goin know Wat kine God me, Da One In Charge!”

Jeremiah 32:18

You stay tight wit uku tousan generation a yoa peopo. But wen you pay back peopo fo da bad kine stuff dey wen do, even dea kids get hurt too. You da God dat stay awesome an get plenny powa. Da peopo dat know wat kine god you, dey call you Da One In Charge, da God Ova All Da Armies.

Jeremiah 51:19

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Dass Da One In Charge, da God Ova All Da Armies.

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 9:6

Da One In Charge, he build da top part a his house inside da sky, Da arch go all da way up from da earth. He tell da watta fo come up outa da ocean, Den he pour um out on top da groun. Da One In Charge, dass his name, Cuz dass who him!”

Hebrews 11:10

Abraham, he stay wait fo live inside da big town dat get da solid kine foundations. Dass da big town dat God wen make plan fo, an build.

Hebrews 11:16

But dey neva. Dey tink plenny bout dat mo betta place inside da sky wea God stay. Cuz a dat, God, he no shame wen dose guys tell, “He oua God.” We know dat cuz get one big town dat he stay make ready fo dem.

Jesus Show 21:10

Den God Spirit take charge a me, an da angel take me to one big an high mountain. He show me Jerusalem, da town dat stay spesho fo God, coming down from God in da sky.

Jesus Show 21:2

An I see da new Jerusalem, da town dat stay spesho fo God, coming down from God in da sky, jalike one lady dat get nice dress, all ready fo wen she marry her husban.