Jeremiah 33:16 - Hawaii Pidgin Bible16 “Dat time, da Judah peopo no goin be slaves no moa. Da Jerusalem peopo goin make house An no need worry somebody goin hurt um. Dey goin give Jerusalem town one name dat mean, ‘Da One In Charge, da one dat do right fo us guys erytime.’ အခန်းကိုကြည့်ပါ။ |
Jeremiah 33:16
20 ပူးပေါင်းရင်းမြစ်များ
Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.
“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.
Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’
Dey goin live Israel side an dey goin stay shua notting bad goin happen. Dey goin build houses an plant grape farms. Notting bad goin happen to dem wen I punish da odda peopos dat live nea dem—da ones dat wen ack jalike my peopo no good. Den my peopo goin know dass me Da One In Charge, da God fo dem.’ ”
Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.
“Boss, you do da right ting erytime. But today, even mo den befo time, us guys get plenny shame an lose face cuz a wat us wen do. Us peopo from Judah an Jerusalem an all ova Israel, no matta we stay nea o far, us wen broke yoa rules an no stay tight wit you. An same ting inside all da odda lands wea you wen make us go.
Dass how God goin take all da Israel peopo outa da bad kine stuff dey stay in, jalike God tell inside da Bible befo time: “Goin get one guy dat goin take us outa da bad kine stuff, He goin come from Jerusalem, Zion side. He goin make da peopo dat come from Jacob tink diffren kine, Dem guys, dey ack jalike God no matta, Bumbye, dey no goin tink lidat no moa.
Dis wat Moses tell bout da Benjamin ohana: “Da One In Charge get love an aloha fo dem, I like fo dem get res an no mo trouble Cuz dey stay tight wit him. Da God Dass Mo Importan Den All Da Odda Gods Take kea dem all da time, Da ones Da One In Charge get love an aloha fo, Jalike Da One In Charge stay carry dem on top his back.”
Aloha! Dis me, Simon Peter. I one worka guy fo Jesus Christ, da Spesho Guy God Wen Sen. He wen sen me all ova da place fo tell peopo bout him. I stay writing dis letta fo you guys dat trus Jesus Christ. God wen let you guys trus Jesus Christ cuz he erytime do da right ting. Dass worth plenny fo you guys, jalike fo us guys. He oua God, an he da One dat take us outa da bad kine stuff we stay do.
ကြော်ငြာတွေ