Jeremiah 32:33 - Hawaii Pidgin Bible

³³ Dey turn dea back to me an make jalike dey no give a rip, no matta I wen teach dem ova an ova. Wen I teach dem stuff, dey no lissen fo change wat dey do.

Jeremiah 32:33 ပူးပေါင်းရင်းမြစ်များ

Job 35:11

Him, da One dat teach us guys mo den he teach da animals on top da earth, An make us know mo betta wat fo do, den da birds inside da sky.’

Jeremiah 18:17

I goin make dem go all ova da place In front da peopo dat stay agains dem, Jalike one wind from da dry boonies throw dirt all ova da place. I goin make deaf ear to dem Wen time fo wipe dem out.”

Jeremiah 2:27

Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Jeremiah 26:5

My worka guys tell you guys fo lissen. Dey da ones dat talk fo me. I stay sen um by you guys ova an ova, but you guys still no lissen dem. An if you guys no lissen,

Jeremiah 35:13

“Dis wat Da One In Charge, da God Ova All Da Armies, da God fo da Israel peopo, tell: Go tell da Judah guys an da peopo dat live inside Jerusalem, ‘Eh! You guys like learn someting, o wat?! You can learn how fo lissen wat I tell you fo do!

Jeremiah 35:15

Plenny times, I tell all my worka guys dat talk fo me fo go by you guys. Dey tell you: All you guys, one by one, no do da bad kine stuff you guys stay do no moa. You gotta start fo do wass right. No follow da odda gods an work fo dem. Den fo shua you guys can come back fo live on top da land I wen give you guys an yoa ancesta guys. But you guys still no use yoa ears fo lissen me.

Jeremiah 44:4

Ova an ova, I wen sen you guys all my worka guys dat talk fo me. Dey tell: “Nah, no go do dis kine pilau kine stuff I hate!”

Jeremiah 7:13

Still yet, you guys stay do all da bad kine stuff I stay talk bout. Me, I Da One In Charge, fo talk to you guys ova an ova, but you guys no lissen. I wen call you guys, but you guys no ansa.

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Ezekiel 23:35

Az why dis wat me, Da One In Charge, tell: You wen foget bout me an make like you donno who me. Cuz a dat, I goin punish you cuz you come pilau an fool aroun fo money.”

Ezekiel 8:16

Den he take me to da inside open lanai aroun Da One In Charge temple. Ova dea, nea da Temple door, in da middo wit da Temple lanai on one side an da altar on da odda side, get bout twenny-five guys. Da Temple Fo Da One In Charge stay in back a dem, an dey stay look to da east side. Dey stay go down on top da groun in front da sun god on da east side fo show respeck.

Hosea 11:2

But no matta how plenny I wen call dem, Dey go da odda way, mo far away. Dey wen make sacrifice fo da Baal gods, An dey burn incense fo da idol kine gods.

Zekariah 7:11

“But dat time, da peopo no like lissen. Dey hard head, an dey turn dea back, an cova up dea ears fo no lissen.

John 8:2

Nex day he go inside da open lanai fo da Temple early. Erybody come wea he stay. Den he sit down dea fo teach dem.