Jeremiah 32:25 - Hawaii Pidgin Bible

²⁵ Da One In Charge, you da boss fo me! So, how come you wen tell me ‘Go buy da field wit silva! Make shua da guys see you buy um, an write dea names on top da paypa dat dey see you buy um!’ Same time, da Babylon guys goin take ova da town!”

Jeremiah 32:25 ပူးပေါင်းရင်းမြစ်များ

Songs 77:19

Da way you wen go was right thru da ocean. Yoa road, wea get da big watta, Nobody know az was yoa footprints.

Songs 97:2

Us guys no can see Wat Da One In Charge stay do, Cuz heavy an dark, Da clouds all aroun him! Us know he goin stay da king foeva, Cuz he do wass right erytime, An he judge da right way erytime.

Jeremiah 24:10

I goin make war come to dem, I goin take away dea food, an goin sen one bad kine sick fo hurt dem till dey all come wipe out from da land dat I wen give to dem an dea ancesta guys.”

Jeremiah 32:15

Cuz dis wat me, Da One In Charge, da God Ova All Da Armies an da God fo da Israel peopo, tell: One mo time, peopo can buy houses, fields, an grape farms inside dis land.’ ”

Jeremiah 32:24

“Look, how da Babylon guys stay pile up dirt awready fo come ova da town wall an capcha Jerusalem town. Cuz a da war, an no mo food, an da bad kine sick, da Babylon guys dat stay fight us guys goin take ova da town. Wat you wen tell stay happen right now, jalike you see!

Jeremiah 32:26

Den anodda message come from Da One In Charge fo me, Jeremiah. He tell dis:

Jeremiah 32:43

Peopo goin buy fields inside dis land one mo time, no matta you guys stay tell, ‘Nobody can live ova hea cuz no mo peopo o animals. Da Babylon guys wen take um!’

Jeremiah 32:8

“Den, jalike how Da One In Charge wen tell, my cousin Hanamel come by me inside da patio fo da guard guys place. He tell, ‘Buy my field Anatot side, inside da Benjamin ohana land. Cuz you get da right fo buy um an keep um inside da ohana. Buy um fo you.’ “I know dass wat Da One In Charge wen tell,

Jeremiah 34:17

“Az why dis wat Da One In Charge tell: ‘You guys no lissen me. You guys neva let yoa braddahs da Jew slave guys go fo real kine. So now, me Da One In Charge, I goin let you guys go too—so you goin mahke from war, from da bad kine sick, an from no mo food. I goin make all da countries all ova da world an dea kings come bum out wen dey tink bout you guys.

John 13:7

Jesus tell him, “You no undastan how come I stay do dis now, but bumbye you goin undastan um.”