Jeremiah 32:19 - Hawaii Pidgin Bible

¹⁹ You tell plenny peopo wass good fo dem do, an you stay strong fo do plenny kine stuff. You see an know how all da peopo stay live. You pay erybody fo da way dey live, good o bad, an fo wateva happen from da tings dey do.

Jeremiah 32:19 ပူးပေါင်းရင်းမြစ်များ

1 Kings 8:32

Den I like you lissen from da sky An judge wat da guy dat swea to you tell, An wat da odda guy tell. Fo da one dat wen do someting bad, Make da bad ting he wen do Come back an hurt him. An fo da one dat do da right ting, Show um dat he get um right wit you, Cuz wat he do, az wass right.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Job 34:11

Cuz God pay peopo fo wat dey wen do. He make tings happen to erybody Dat go wit wat dey wen do, good o bad.

Job 34:21

“God see eryting da peopo do. He see ery step wea dey walk.

Songs 111:2

Real importan, all da tings Da One In Charge stay do. Da peopo dat stay good inside Cuz a da tings Da One In Charge do, Good dey try fo undastan Wat he stay do.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Songs 62:12

Eh, my Boss, you God! An you da ony one Dat stay tight Wit yoa peopo fo real kine! You pay erybody Fo wateva dey wen do.

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Smart Guys 5:21

Cuz Da One In Charge, he can see eryting dat erybody do, Jalike dey stay do um right in front him. An Da One In Charge, he look wat dey do, If good o no good.

Smart Guys 8:14

“Me, I da one dat can teach peopo how fo make plan An fo tink real good bout eryting dey goin do. Me, I da Wahine Dat Undastan Stuff, An I get plenny powa.

Teacha 12:14

Erybody gotta go in front God da Judge bout eryting dey wen do, Even all da stuff dey try hide, no matta good o bad.

Isaiah 28:29

So all dis stuff dat da farma guys know, Dass one mo ting dat come from Da One In Charge, Da God Ova All Da Armies. Wen he teach peopo how fo do someting new, Dea jaw drop! Fo shua he know how fo do Importan kine stuff erytime!

Isaiah 40:13

You tink get somebody Dat can tell Da One In Charge how fo use his Spirit?! No mo nobody can! You tink get somebody Dat smart enuff fo teach Da One In Charge someting?! Not even!

Isaiah 59:18

He goin pay um back Same same jalike dey wen do: I like bad tings happen to da guys dat hate him, An pay back da guys dat stay agains him, Even da peopo on top da far islans!

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Jeremiah 16:17

Cuz I can spock um, ery place dey go. Dey no can hide from me. Dey no can hide da bad kine stuff dey do fo me no see um.

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Jeremiah 25:14

Da Babylon guys goin be da ones fo come slaves fo strong kings an dea peopos. I goin pay back da Babylon guys fo da bad kine stuff dey do!”

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Zekariah 9:1

Dis message from Da One In Charge tell bout da Hadrak an Damascus peopo an dea land: Cuz all da peopos inside da world, Jalike all da Israel ohanas, stay look to Da One In Charge.

Matthew 16:27

I da Fo Real Kine Guy. I goin come back wit God angel messenja guys from da sky. Goin be awesome, cuz my Faddah, he awesome. Den I goin pay erybody fo wat dey wen do, good kine o bad kine.

John 5:29

An dey goin come outa dea graves. Da peopo dat wen do da good kine stuff goin come back fo live one mo time fo real kine, an da peopo dat wen do da bad kine stuff goin come back fo get punish.

2 Corint 5:10

You know, erybody gotta go in front Christ da Judge, an us no can hide notting. Dat time us goin get back wat we wen do, wen we wen stay inside dis world. An no matta us wen do da good kine stuff o da no good kine stuff.

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Jesus Show 22:12

Jesus tell, “Eh, lissen! I stay come back real fas! An I goin bring wit me da stuff fo give back to erybody fo eryting dey wen do.