Jeremiah 32:17 - Hawaii Pidgin Bible

¹⁷ “You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Jeremiah 32:17 ပူးပေါင်းရင်းမြစ်များ

Start 18:14

Eh! Me, Da One In Charge! You tink get stuff too hard fo me do um, o wat? I goin come back by you same time nex year, an Sarah goin get one bebe boy.”

2 Kings 19:15

Hezekiah pray lidis in front Da One In Charge: “Eh! You Da One In Charge! You da God fo da Israel peopo. You stay in da middo a da awesome angel watcha guys. You da ony God ova all da king guys on top da earth. You da One wen make da sky an da earth.

2 Kings 3:18

Dis, az one easy kine ting da way Da One In Charge see um. Den he goin give you guys da powa fo take ova da Moab peopo.

Nehemiah 9:6

“You Da One In Charge, you da ony one! You wen make da sky, an even da mos high part a da sky. You wen make da sun an da moon an all da stars, jalike one army. You wen make da world an eryting dat stay live on top. You wen make da ocean an eryting dat stay inside dea. You da one dat wen make all da animals an plants an fish an peopo stay alive, An erybody dat stay inside da sky stay show you love an respeck!”

Job 42:2

“I know fo shua you can do eryting. No mo nobody can jam up wat you plan fo do.

Songs 102:25

Long time befo time, You wen make da world. Da sky too, was you wen make um.

Songs 136:12

He wen use his powa From his strong arm Fo do all dat, Cuz he stay tight wit his peopo foeva!

Outa Egypt 20:11

Me, Da One In Charge, I wen work six days fo make da sky an da earth an da ocean, an all da tings inside dem. But da Numba Seven Day, I res. Dass why I tell da Res Day good, an I make um spesho fo me.

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Isaiah 44:24

Dis one spesho message from Da One In Charge, Da One wen pay da price Fo get you guys outa trouble. He da One wen make you guys Inside yoa muddah. Dis wat he tell: “Me, Da One In Charge. I wen make eryting. I stretch out da sky An no mo nobody wit me dat time. Was ony me, wen I spread out da world.

Isaiah 45:12

I da One wen make da world. I wen make da peopo an put um on top dea. Was me, wen stretch out da sky Wit my hands. I tell eryting inside da sky wat fo do.

Isaiah 59:1

Fo shua, Da One In Charge get plenny powa Fo get us guys outa trouble. Fo shua, he can hear good.

Jeremiah 1:6

Me, Jeremiah, tell, “You Da One In Charge, you da Boss. But fo shua, I donno how fo talk good! I ony one young guy, you know!”

Jeremiah 14:13

But me, I tell, “Ho, my boss, Da One In Charge a me! I know you stay in charge a eryting! But da guys dat suppose to talk fo you stay tell da peopo: ‘You guys no goin see war, an you guys no goin come hungry. Fo shua, Da One In Charge goin make eryting stay okay an no goin get war inside dis place.’ ”

Jeremiah 21:2

Dey tell um, “Try find out fo us guys from Da One In Charge, wass goin happen now. Cuz Nebukadnezzar, da king fo Babylon, stay make war wit us guys. Maybe Da One In Charge goin do someting fo help us guys, jalike da awesome kine stuff he wen do befo time. We like see Nebukadnezzar go home an no make trouble fo us guys!”

Jeremiah 27:5

Me, Da One In Charge, I wen make da world, all da peopo, an da animals dat stay on top da earth, cuz I get plenny powa an I use um how I like. I give my powa to anybody I like.

Jeremiah 32:27

“Fo shua, Me, Da One In Charge, da God fo all da peopos inside da world. You tink someting too hard fo me fo do, o wat?!

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Jeremiah 4:10

Wen I hear dat, I tell, “Eh! You dat stay in charge a me! Bummahs! Fo shua, you wen bulai dese peopo an da Jerusalem peopo good, wen you tell, ‘Eryting goin go good fo you guys!’ same time da odda army guys pull knife fo cut oua throat!”

Jeremiah 51:15

“Da One In Charge wen make da earth, Cuz he get da powa. Da world stay how stay, Cuz he da One make um lidat, An cuz he know wat fo do erytime. He spread out da sky Cuz he know da bestes way fo make um lidat.

Jeremiah 51:19

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Dass Da One In Charge, da God Ova All Da Armies.

Ezekiel 11:13

Right den an dea, da same time I stay talk fo God, Benaiah boy Pelatiah mahke. Den I go down an put my face on top da groun, an yell wit one loud voice, “Bummahs! You Da One In Charge, you da King! You goin wipe out all da Israel peopo dat still stay alive, o wat?”

Ezekiel 9:8

Wen dey stay kill da peopo, ony me was inside da Temple. I go down an put my face on top da groun. I yell, “Eh Boss! You Da One In Charge! I no can handle all dis! I know you real huhu wit da Israel peopo. But you goin kill all da Jerusalem peopo dat still stay alive, o wat?”

Daniel 2:22

He show um secret kine stuff Dass hard fo undastan. He know wat stay inside da dark places, Cuz he da One da light come from.

Daniel 6:20

Wen he come nea da lion hole, he call Daniel wit one sad kine voice. “Daniel, da worka guy fo da God dat stay alive! Yoa God, da One you work fo erytime, he wen get you outa dis, o wat?!”

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Zekariah 8:6

Da One In Charge, Da God Ova All Da Armies, tell: “Wen dat happen, all da peopo dat still yet stay alive goin tink dis no can happen now! But you tink dat I figga no can happen now, o wat?! No ways!”

Census 11:23

Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Mark 10:27

Jesus look strait at dem an tell, “No mo nobody dat can do um, but ony God, he da One dat can do um all.”

Luke 1:37

Notting too hard fo God, you know.”

Luke 18:27

Jesus tell, “No mo nobody dat can do dat, but ony God, he da One dat can do um all.”

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Jesus Guys 15:18

Dass wat Da One In Charge tell, He da One dat do all dis stuff An he tell us dis long time befo time.’ ”

Jesus Guys 17:24

Da God dat make da world an all da stuff inside um, he Da One In Charge a da sky an da earth. He no stay inside da temples peopo make.

Jesus Show 4:11

“You Da One In Charge a us guys, An you oua God! You stay spesho fo get da right Fo erybody tell dat you stay awesome An show respeck fo you, An let you take charge a dea powa. Cuz you wen make eryting Fo be how you like.”