Jeremiah 31:4 - Hawaii Pidgin Bible

⁴ You Israel peopo, Jalike you my daughtah dat I love! I goin build you guys up one mo time Jalike one strong house, An you goin come solid inside. One mo time you goin take yoa tammorines Fo dance an sing wit yoa frenz an get good fun.

Jeremiah 31:4 ပူးပေါင်းရင်းမြစ်များ

2 Kings 19:21

Me, Da One In Charge, I get someting fo tell agains him: “ ‘Eh, King Sennakerib! All da wahines from Zion Hill Hate yoa guts an make fun a you. Dey goin stick finga at you wen you run away.

Songs 149:3

Tell good tings bout Da One In Charge Cuz you know wat kine god him! Dance fo tell good tings bout him, An play tammorine an small harp, An sing fo him!

Songs 30:11

Wen I was sad an crying, You wen make me feel good inside, So I like dance an sing! Wen I was wearing ony funeral kine clotheses, You wen take um away An give me clotheses dat show I feel good inside!

Songs 51:18

Eh! You Da One In Charge! Try make eryting Come good fo da Zion Hill peopo! An build da walls Aroun Jerusalem town!

Songs 69:35

Cuz da Jerusalem An Mount Zion peopo, God goin get dem outa trouble. He goin build da towns All ova Judah one mo time. Dose peopo goin live dea, An dea towns goin stay dea property.

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Isaiah 30:32

Erytime Da One In Charge wack da Assyria guys Wit da stick he use fo punish dem, Da Judah peopo goin play music Wit tammorine an harp, Wen Da One In Charge Win ova da Assyria guys Wit his strong powa.

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Jeremiah 1:10

“So lissen up now! Today I give you one importan job, Fo grumble bout da diffren peopos an dea govmens. You goin tell um how I goin pull um outa da groun jalike plants An bus um up. I goin wipe um out, an throw out dea kings. Den I goin build up da diffren peopos one mo time, an make um come solid.”

Jeremiah 14:17

“Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Jeremiah 18:13

Az why Da One In Charge tell dis: “Aks all da peopos, You guys hear somebody talk lidis, o wat?! Da Israel peopo, I get love an aloha fo dem, jalike dey my wahine, But now, dey do one real real bad kine ting.

Jeremiah 24:6

I goin take kea dem fo make shua good kine tings happen to dem, an I goin bring dem back to dis land. Jalike I goin build dem up one mo time inside dis land an no bus um up. Jalike I goin plant dem fo make um come solid, an I no goin pull um up outa da groun jalike plants.

Jeremiah 31:13

Den da young girls goin dance an sing Cuz dey stay good inside. Same ting fo da young guys an da ol guys. Dey goin dance an sing too. I goin change dem from stay sad inside to stay good inside. I goin give dem good kine words, so dey no stay sad no moa.

Jeremiah 31:21

“You Israel peopo, Jalike you da daughtah dat I love! Pile up rocks Fo show da way fo go back home! Put up signs nea da road So da peopo goin know wea fo go. Tink bout da main road dat you wen take Wen you wen come prisonas! You Israel peopo, go back yoa towns.

Jeremiah 31:38

Da One In Charge tell, “You know, da time goin come wen da peopo goin build Jerusalem town fo me one mo time, from da Hananel Towa to da Corna Gate west side.

Jeremiah 33:7

I goin bring back da Israel an Judah peopo dat was prisonas ova dea Babylon side. I goin make um strong one mo time, jalike how was befo time.

Jeremiah 46:11

“You Egypt peopo, You weak, jalike one young girl, Go up Gilead side An try get medicine from dea. But wase time you try fo get all kine medicine! Cuz no way you goin come good!

Sad Song 1:15

“Da Boss laugh at all da strong leadas aroun me. He call one army fo fight me, Fo smash my young guys. Da Boss walk all ova da Judah peopo, Jalike he step da grapes fo make wine.

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!

Amos 5:2

“ ‘Da Israel ohana, jalike one young girl. No matta she young, She fall down cuz dey kill her. She no goin stan up one mo time, eva. Dey wen leave her body ova dea, inside her country. Cuz no mo nobody goin come fo her.

Amos 9:11

Plus, Da One In Charge tell dis: “Dis peopo dat had King David fo dea king befo time, Now dey all hamajang, jalike one shack ready fo fall down. But goin come da time, I goin fix up dea land jalike was King David time. Jalike da peopo fix one wall dass all broke an fall down, I goin fix dat wall dat was all bus up An put up da tings dat wen broke. I goin build um jalike was befo time.

Luke 15:23

Go get da bestes young cow an kill um. We goin throw one party, an make kanikapila, we go party!

Jesus Guys 15:16

“ ‘Afta dis I goin come back An I goin make David ohana come good one mo time, Jalike wen peopo fix up one bus up house.

Local Leadas 11:34

Wen Jeftah come home Mizpah side, his girl come out fo meet him, dancing wit one tammorine! She his ony kid. He no mo boy o odda girl.