Jeremiah 31:37 - Hawaii Pidgin Bible

³⁷ Dis wat Da One In Charge tell: “No mo nobody can measure da sky up dea, An no mo nobody can find all da foundations down undaneat da earth! Same ting, I no goin throw out all da Israel ohana Cuz a all da kine stuff dey wen do!” Az wat Da One In Charge tell.

Jeremiah 31:37 ပူးပေါင်းရင်းမြစ်များ

Job 38:18

You wen tink bout how big an wide da earth stay, o wat? Tell me if you know all dat.

Songs 89:2

Dis wat I tell: “Get one ting stay shua: You stay tight wit yoa peopo foeva. An get anodda ting Dat stay solid inside da sky: You erytime do Wat you tell you goin do.”

Smart Guys 30:4

You know, no mo nobody but God Can go up inside da sky, Den come back down hea. No mo nobody Can hold da wind inside his two hand Fo make um blow o no blow. No mo nobody Can wrap his coat aroun da ocean fo carry um. No mo nobody Can make da whole world, even da mos far places. If you know somebody dat can do all dat, Let me know who him an wat his name! Let me know who his boy an wat his boy name!

Isaiah 40:12

“Da One In Charge, he da One Put all da ocean watta inside his hand Fo tell how plenny get. Wit his open hand he check out da sky Fo tell how wide dat. He put all da dirt inside da world inside one box Fo tell how plenny get. He put all da mountains an hills on top da scale Fo tell how heavy dem.

Isaiah 54:9

“Fo me, dis jalike da time da guy Noah live An da big watta wipe out eryting. Dat time, I wen make one strong promise Dat da big watta, da Noah time kine, No goin cova da earth one mo time. Same ting dis time, I stay make one strong promise Dat I no goin come huhu wit you guys one mo time. I no goin tell you guys no moa, Dat you stay do wass wrong.

Isaiah 65:9

I goin make da Jacob ohana get mo plenny kids. I goin make one guy from da Judah ohana Own my mountains, Cuz he wen get um from his ancesta guys. Da peopo I pick goin own da mountains Dat come from dea ancesta guys. My worka guys goin go dea Fo live.

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Jeremiah 33:22

I goin make my worka guy David ohana an da Levi ohana dat make religious kine ceremonies in front me, come real plenny peopo, jalike all da stars inside da sky, an da sand on top da beach.”

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.