Jeremiah 31:21 - Hawaii Pidgin Bible

²¹ “You Israel peopo, Jalike you da daughtah dat I love! Pile up rocks Fo show da way fo go back home! Put up signs nea da road So da peopo goin know wea fo go. Tink bout da main road dat you wen take Wen you wen come prisonas! You Israel peopo, go back yoa towns.

Jeremiah 31:21 ပူးပေါင်းရင်းမြစ်များ

1 Records 29:3

An fo real kine I like go all out fo give my stuffs, my gold an silva, fo da Temple fo my God, mo den da odda stuffs I wen make ready fo dis Temple dat goin stay spesho fo God.

2 Records 11:16

Get peopo from ery ohana inside Israel dat make up dea mind fo stay tight wit Da One In Charge, da God fo da Israel peopo. Dey follow da Levi guys to Jerusalem fo dem make sacrifice dea fo Da One In Charge, da God fo dea ancesta guys.

2 Records 20:3

Jehoshafat come sked. He make up his mind fo go in front Da One In Charge an aks him wat goin happen. An he tell all da Judah peopo fo skip food wen dey pray.

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Songs 84:5

Erybody dat stay strong Cuz Da One In Charge Stay tight wit dem, Dey da ones stay good inside. Dey da ones dat feel lidis, “I goin go Jerusalem Fo show God respeck!”

Smart Guys 24:32

Me, I look, an I start fo tink plenny From wat I see dea. I learn how fo live da right way.

Isaiah 48:20

“Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Isaiah 57:14

Den somebody tell dis too: “Pile up dirt on top da groun fo make one road! Make da road ready fo my peopo! Take away all da stuff from on top da road Fo my peopo no fall down!”

Isaiah 62:10

Go, pass thru da town gates. Make one place fo my peopo come back! Build up da big road. Take away da stones. Hold up one flag So da diffren peopos know wea fo go!

Jeremiah 3:12

Go, tell dis fo da Israel peopo hear um: “Da One In Charge tell, ‘Go come back by me, you Israel peopo Dat wen tell “Laytas” to me. I no goin give you guys stink eye no moa. Cuz I like give you guys chance, I no goin stay huhu all da time.

Jeremiah 3:14

Da One In Charge tell dis too: “Go come back by me, you peopo dat like dig out an go way from me. Cuz I yoa husban, dat get da right fo tell you wat fo do. I goin pick some a you guys, one from one town, o two from one ohana, wea eva you stay scatta. I goin bring you guys back to da place dat stay spesho fo me, az Zion.

Jeremiah 31:4

You Israel peopo, Jalike you my daughtah dat I love! I goin build you guys up one mo time Jalike one strong house, An you goin come solid inside. One mo time you goin take yoa tammorines Fo dance an sing wit yoa frenz an get good fun.

Jeremiah 46:11

“You Egypt peopo, You weak, jalike one young girl, Go up Gilead side An try get medicine from dea. But wase time you try fo get all kine medicine! Cuz no way you goin come good!

Jeremiah 50:5

Dey goin aks how fo go Mount Zion. An dey goin go dea. Dey goin go fo make one deal Fo come tight wit Da One In Charge. Dey no goin broke dis deal eva, An dey no goin foget um.

Jeremiah 51:50

You guys dat wen run away from da army guys wit swords, Get outa hea! No jus stan dea! No foget Da One In Charge even wen you stay one far place, An tink plenny bout Jerusalem town!”

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Jeremiah 6:16

Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

Ezekiel 40:4

Da guy tell, “Eh! Fo Real Kine Guy! Look good wit yoa eyes an lissen good wit yoa ears. Look real good at eryting I goin show you. Az why God wen bring you ova hea fo see dat. Tell da Israel peopo Babylon side eryting you goin see dea!”

Haggai 1:5

But now, dis wat Da One In Charge, Da God Ova All Da Armies tell: “Tink real good bout da way you guys live!

Zekariah 10:9

No matta I wen scatta dem wea da odda peopos stay, Still yet dey no goin foget me from da lands far away. Dem an dea kids goin stay alive, An dey goin come back.

Rules Secon Time 32:46

den he tell dem, “Tink plenny bout all dis importan stuff dat I wen tell you guys today fo you guys tell yoa kids dey gotta lissen an do eryting dese rules tell.