Jeremiah 31:19 - Hawaii Pidgin Bible

¹⁹ Afta us guys wen go da wrong way, us come real sorry. Afta you show wat kine guys us, us slap oua head. Us get plenny shame an peopo no mo respeck fo us, Cuz from small kid time, us do bad kine stuff, an peopo talk bad bout us.’ ”

Jeremiah 31:19 ပူးပေါင်းရင်းမြစ်များ

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Job 13:26

You write down poison kine tings agains me! You make me suffa fo bad tings I wen do wen I was real young!

Job 20:11

Dea faddah guys bones stay strong wen dey was young. But dey goin mahke, an dose bones goin lay down on top da dirt.

Songs 119:67

Befo time you wen punish me Cuz I stay go da wrong way. But now, I do wat you tell me fo do.

Songs 25:7

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Isaiah 54:4

“Eh my peopo! No sked, cuz you no goin come shame no moa. Cuz nobody goin make you come shame. Jalike da wahine dat no mo her kids, But now she get um, She foget her was shame Befo time wen her was young. Jalike she goin foget How bad peopo wen make her feel Wen her no mo husban.

Jeremiah 22:21

“Dat time eryting stay okay fo you, I wen tell you watch out! But you tell, ‘I no goin lissen you!’ Az how you ack from small kid time. You neva lissen me!

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 32:30

“Fo shua, from da start da Israel peopo an da Judah peopo stay do ony bad kine stuff, da way I see um. Fo shua, da Israel peopo piss me off bout da idol kine gods dey make wit dea hands.

Ezekiel 21:12

“ ‘Eh! Fo Real Kine Guy! Yell an make big noise! Cuz da killa guy goin use dat sword agains my peopo. An all da leadas fo da Israel peopo goin get kill too. Az why you gotta poun yoa ches Fo show you stay bum out an sore inside.

Ezekiel 21:17

Me, Da One In Charge, goin clap my hands togedda too Fo tell da killa guy fo use da sword. An den, I goin tell um res, Cuz den I no goin stay huhu no moa. Az me Da One In Charge wen tell all dis.’ ”

Ezekiel 23:3

Dey come hoaz inside Egypt. From young time, ova dea dey let da guys play wit dea breases an squeeze dea nipples.

Ezekiel 36:26

I goin give you guys one new kine heart, an put one new kine Spirit inside you guys fo make you tink diffren kine. I goin hemo yoa stone kine hard heart an give you one sof kine heart dass fo real.

Ezekiel 36:31

Den you guys no goin foget how pilau you guys was, an all da no good kine stuff you guys wen do. Den you guys goin come real shame cuz a all dat kine stuff you wen do befo time an da way you ack pilau.

Ezekiel 6:9

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Luke 15:30

But dis guy, yoa boy, he wase awready all da money from yoa land fo pay da hoaz. An wen he come home, right den an dea you kill da bestes young cow fo him. An den!’

Luke 18:13

But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”

Rome 6:21

Wat good kine ting you guys wen get from all dat? Notting! You guys ony get plenny shame weneva you guys tink bout dat. Cuz wen you do bad kine stuff, az you da one get cut off from God cuz a dat.

Rules Secon Time 30:2

An wen you an yoa kids come back by yoa God, Da One In Charge, an go all out fo lissen him, jalike I wen tell you guys today fo do,

2 Timoty 2:25

Wen peopo go agains him, he gotta teach um da true stuff, an teach um nice kine. Den maybe God goin make dem change dea mind fo dem know da trut.