Jeremiah 31:18 - Hawaii Pidgin Bible

¹⁸ Fo shua, I hear da Efraim peopo make sad kine noise, Dey tell: ‘You wen punish us guys jalike us one young cow Dat no like learn how fo pull one plow. But now, us guys know dat you wen punish us guys Fo teach us one lesson. Help us go home, an we goin go, Cuz you, oua God, dass Da One In Charge a us!

Jeremiah 31:18 ပူးပေါင်းရင်းမြစ်များ

Job 5:17

“Wen peopo jam up, An God tell um wat was da right ting fo dem do, Dey can stay good inside. Az why, no come huhu wen Da God Dat Get All Da Powa Punish you fo teach you someting!

Songs 118:18

Da One In Charge punish me real good Fo teach me stuff, But he neva let me mahke.

Songs 119:67

Befo time you wen punish me Cuz I stay go da wrong way. But now, I do wat you tell me fo do.

Songs 119:75

Eh! You Da One In Charge! Dis wat I know: Eryting you tell cuz you da judge, Az da right ting. Weneva you punish me, Az cuz dass da right ting fo do.

Songs 31:15

You stay in charge a eryting Dat goin happen to me bumbye. So, get me outa trouble From da peopo dat stay look fo me Cuz dey like make me suffa.

Songs 32:9

No ack jalike da horse o da mule Dat no undastan Wea dey suppose to go, You gotta use da bit an da bridle Fo no let um run away.”

Songs 80:19

Eh! You Da One In Charge! You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Songs 80:3

Eh God! Make us guys come Jalike we was befo time! Smile an show you stay good inside Bout us guys, Fo us guys get outa trouble!

Songs 80:7

You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Songs 85:4

Eh! You da God Dat get us guys outa trouble. Cuz a dat, go change yoa mind An help us guys one mo time. No stay sad inside Bout us guys no moa.

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

Smart Guys 26:3

Fo make da horse go, You need one whip. Fo make da donkey carry stuff, You need one strap aroun da head an nose. But fo make da dumb buggahs do someting, Da ones dat tink dey no need learn notting, Gotta wack dea back wit one stick fo make um move!

Smart Guys 29:1

Da kine guy dat make deaf ear Cuz peopo tell um ova an ova He do wrong an he betta stop, Fo real Da One In Charge goin bring down dat guy one time. Cuz no way da guy can come good bumbye.

Smart Guys 3:11

I tell my boy, “No tink dass wase time Wen Da One In Charge tell you tings fo make you learn! No get wild Wen he presha you fo do da right ting!

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Isaiah 53:7

Da guy dat work fo Da One In Charge, Da peopo give him hard time. Dey make him suffa, But he no tell notting. Dey take him out jalike one sheep Fo kill him. But jalike da sheeps Wen dey cut off all da wool, dey no make noise, He no tell notting too.

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

Isaiah 9:13

Cuz da Israel peopo still yet no lissen An no come sorry fo da bad stuff dey do An no come back to da One dat stay bus um up, An still yet dey no like even find out Wat Da One In Charge, Da God Ova All Da Armies, tell dem fo do.

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 31:6

Goin come one time Wen da security guard guys On top da hills Efraim side Goin yell lidis: ‘Go come! fo us go Mount Zion Fo talk to oua God, dass Da One In Charge a us, Jerusalem side.’ ”

Jeremiah 31:9

Dey goin cry all da way hea, An wen I lead dem, dey goin pray plenny. I goin bring dem by da streams dat get plenny watta inside dat time, On top one easy fo go road Wea nobody goin trip an fall down. Cuz I da faddah fo da Israel peopo, An da Efraim ohana, dey jalike my numba one boy.

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Sad Song 5:21

Bring us guys back by you, Da One In Charge, Fo us come tight wit you one mo time. Make us guys come new, jalike befo time.

Ezekiel 20:43

Wen you guys come ova dea, you no goin foget how you guys wen live, an all da real bad tings you guys wen do fo come pilau. Den you guys goin come all bum out cuz a all da bad kine stuff you guys wen do.

Daniel 9:13

Jalike Moses wen write inside da Rules, all dis bad kine stuff wen happen to us guys. But still yet we no come back to you, oua God, Da One In Charge a us. Us guys still yet stay do da bad kine stuff. An we no tink bout how eryting you tell stay true.

Hosea 10:11

Da Israel peopo ack Jalike one young girl cow dat somebody wen train Fo step da wheat an barley fo da wind take out da junks. But I goin do mo den dat. I goin put one heavy yoke on top dat cow good looking neck, Fo make da Israel peopo pull da plow. Da Judah peopo gotta make da groun ready, But firs, da Israel peopo gotta broke up da hard dirt.

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Jonah 3:10

God, he see wat dey stay do, an see dat dey change how dey ack an no do bad kine tings no moa. Az why he change his mind an no do bad tings to dem, da way he wen tell befo time dat he was goin do. Cuz a dat, he not goin do notting bad to dem.

Zefaniah 3:2

Dey no lissen nobody. Dey tell “Laytas” wen somebody teach um how fo do da right ting. Dey no trus Da One In Charge. Dey no come nea dea God.

Malakai 3:16

But den, get da odda peopo dat stay feel jalike dey real sked wen dey in front Da One In Charge. All dem talk wit odda guys dat tink da same ting jalike dem. Da One In Charge, he lissen plenny an hear wat dose guys tell. He write down eryting on top one paypa dat stay in front him, fo no foget wat da peopo tell. Da One In Charge do all dat fo da ones dat stay feel jalike dey real sked in front him, an dat tink plenny bout wat kine god he stay.

Malakai 4:6

An he goin make da faddahs come back togedda wit dea kids An da kids come back togedda wit dea faddahs. Cuz if dat no happen, Den I goin put kahuna on top erybody inside yoa land!”

Census 2:18

Da west side goin be da camp fo da Efraim ohana guys undaneat dea flag. All dea troops goin make camp dea. Da leada fo da Efraim peopo, Ammihud boy Elishama.

Luke 1:17

John goin come firs, wit da same kine spirit an powa dat Elijah wen get. He goin make da faddahs get love an aloha fo dea kids one mo time. An da peopo dat no lissen God, he goin make dem stay tink jalike da peopo dat do wass right. He goin make da peopo ready fo wen Da One In Charge come.”

Luke 15:20

Den he hele from dat place an go back by his faddah. “He still far from da house wen his faddah spock him. His faddah heart stay fill wit pity an he run to his boy. He hug his boy an kiss him.

Jesus Guys 3:26

God pick his Spesho Helpa Guy Jesus, an sen him by you guys firs. He sen him fo him do good kine stuff fo you guys, an make you guys so you no do da bad kine stuff no moa.”

Philippi 2:13

God, he da One stay make you guys like do da tings he like you fo do. An he help you guys fo do um.

Hebrews 12:5

You guys foget awready, o wat? God wen give you guys good kine words inside da Bible. An he talk to you guys jalike one faddah talk to his kids. He tell, “My boy, no tink dass notting Wen Da One In Charge tell you dat you wrong. Dass fo help you learn stuff, An fo you no give up wen he tell you dat you do wass wrong.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.