Jeremiah 31:17 - Hawaii Pidgin Bible

¹⁷ Da One In Charge tell dis too: “Da ting you like see happen, Fo shua dat goin happen bumbye. Da peopo dat goin come from you Dey goin come back dea land.

Jeremiah 31:17 ပူးပေါင်းရင်းမြစ်များ

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Sad Song 3:18

Az why I tell, “No ways I can hang in dea! I wen wait fo Da One In Charge do someting, but I tink no goin happen!”

Sad Song 3:21

But I can stay wait fo Da One In Charge Wen I tink lidis:

Sad Song 3:26

Az good fo wait an stay quiet, Till Da One In Charge get us outa trouble.

Sad Song 3:29

Even wen dey gotta put dea face on top da dirt, Still yet maybe Da One In Charge goin help dem bumbye.

Ezekiel 37:21

Give um dis message from Da One In Charge, da Boss: I ready fo take da Israel ohana peopo outa da lands wea dey wen go. I goin bring dem togedda from all ova da place an bring um back inside dea land.

Ezekiel 37:25

Dey goin live on top da land I wen give my worka guy Jacob, da land wea yoa ancesta guys wen live befo time. Dem an dea kids, an dea kids kids goin live ova dea foeva, an my worka guy David goin be da leada guy fo dem foeva.

Ezekiel 39:28

Den dey goin know dass me dea God, Da One In Charge, do all dis. Cuz no matta I wen make dem come prisonas an sen dem far away inside da odda lands, I goin bring dem back inside dea land. I no goin even leave nobody far away.

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Zekariah 9:12

Go come back by yoa strong wall, you prisona guys, Da ones dat stay wait fo me do someting. Even now I tell you guys Dat I goin give you guys back Two good tings fo ery bad ting Dat wen happen to you.

Matthew 24:22

But God goin make dat time mo short fo peopo come out okay. He like help da peopo he wen pick, dass why he goin make dat suffa plenny time mo short.