Jeremiah 31:15 - Hawaii Pidgin Bible

¹⁵ Dis wat Da One In Charge tell too: “I hear one voice from inside Ramah town. Somebody dea stay sad inside an cry. Jalike Rachel stay cry real hard fo da peopo dat come from her. She no let nobody tell her nice kine stuff bout her ohana. Cuz dey no stay no moa.”

Jeremiah 31:15 ပူးပေါင်းရင်းမြစ်များ

Start 35:19

Rachel mahke an dey bury her nea da road dat go by Efratah town, dass Betlehem.

Start 37:35

All Jacob odda kids, guys an wahines, go by him fo try help um come good inside. But he no like lissen dem. He tell, “No way. Bumbye wen I go down da Mahke Peopo Place, I still goin stay cry fo my boy.” An he stay sad inside lidat, long time.

Start 42:13

Dey tell Joseph, “Us twelve braddahs, yoa slave guys, dat come from da same faddah, Canaan side. Ony now, oua younga braddah, he stay ova dea wit oua faddah. An da odda braddah, he mahke awready.”

Start 42:36

Dea faddah Jacob tell um, “You guys! You take my boys away from me! Joseph, he mahke awready. Simeon, gone awready. An now, you like take away Benjamin too! Eryting bad happen to me!”

Start 5:24

He stay tight wit God wateva he do, an den, Enok disappea, cuz God take um away.

Job 7:21

How come you no hemo da shame I get cuz I do bad kine stuff?! An let me go from da wrong tings I wen do?! Cuz pretty soon I goin be inside da dirt! Wen you look fo me, I no goin stay no moa!”

Songs 37:36

Den one day, I wen go by dea, An you know wat?! No mo da bad guy! I wen go look fo him, But no can find um.

Songs 77:2

Wen I get hard time, I pray to my Boss Fo him show me wat I gotta do. All nite, I put up my hands fo pray, An no come tired. But inside, I no can res.

Isaiah 10:29

Dey go ova Mikmash Pass. Dey tell, “Eh, we stay Geba town tonite!” Da peopo inside Ramah town, dey sked an shaking. All da peopo inside Gibeah, Saul town, dey stay run.

Isaiah 22:4

Dass why I tell dis, “Go way! No look at me! Let me cry hard! No try make me feel good inside Cuz dey wipe out my peopo! My peopo, dey jalike one wahine, Gone awready, eryting dey get.

Jeremiah 10:20

My tent stay all bus up. All da tent ropes stay broke. My kids stay gone from me awready. No mo dem. No mo nobody stay hea fo help me put up my tent one mo time An stretch out da tent cova.

Jeremiah 40:1

Dis anodda message dat Jeremiah get from Da One In Charge. Da main officer in charge a da Babylon army guys dat kill da prisonas dat gotta mahke, his name Nebuzaradan. He wen spock Jeremiah wit his wris chain togedda. So he pull um out from da odda prisona guys from Jerusalem an Judah dat da Babylon guys stay take Babylon side. Wen dey come Ramah town, Nebuzaradan let Jeremiah go.

Sad Song 5:7

Oua ancesta guys wen do bad kine stuff, an dey no moa. An you punish us guys cuz a dat.

Ezekiel 2:10

An he open um up in front me. On top da front side an da back side get some words, dat peopo sing wen dey stay sad inside, wen dey suffa long time, an wen dey cry.

Joshua 18:25

Gibeon, Ramah, Beerot,

Local Leadas 4:5

She stay unda Deborah Palm Tree, in da middo wit Ramah one side an Bethel da odda side, up country Efraim side. Da Israel peopo go by Deborah fo her tell dem wass right an wass wrong wen dey make argue wit each odda.

1 Samuel 7:17

But he erytime go back by Ramah, cuz he stay judge da Israel peopo ova dea too, an az wea he live. An he build one altar ova dea fo Da One In Charge.