Jeremiah 30:11 - Hawaii Pidgin Bible

¹¹ I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Jeremiah 30:11 ပူးပေါင်းရင်းမြစ်များ

2 Samuel 24:12

“Go tell David, ‘Dis wat Da One In Charge tell: I get three ways fo punish you. You pick one!’ ”

Songs 6:1

Eh! You Da One In Charge! No scold me wen you stay huhu! No punish me wen you stay mad!

Outa Egypt 34:7

Wen I make one promise fo stay tight wit one ohana, I stay tight wit even da kids, an dea kids, An all da peopo dat come afta dem fo tousan generation. I let peopo go an hemo dea shame Fo wen dey do da wrong ting an go agains me an do bad tings. Still yet, if somebody need fo me punish dem, I punish dem. An if dea kids do da same ting, I punish dem too, an same ting wit dea grankids, An even dea great-grankids!”

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Isaiah 8:10

You goin talk an make plan, But dat no goin happen, cuz you no can do um. You talk bout wat fo do, But no goin happen lidat, Cuz God stay wit us. Dass wat ‘Immanuel’ mean!”

Jeremiah 1:19

Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Jeremiah 1:8

An no sked a dem wen you go in front dem! Cuz I stay tight wit you, an I goin get you outa trouble. I Da One In Charge, an dass wat I tell you!”

Jeremiah 10:24

Show me wat da right ting fo me do Wen I stay do da wrong kine ting, But judge me da right way! No come huhu wit me wen you judge me, Cuz no good you make me come wipe out!

Jeremiah 15:20

I goin make you come jalike one bronze wall Dat dese peopo no can broke down. Dey goin make war agains you, But dey no goin win ova you. Cuz I stay wit you Fo get you outa trouble. Dass me, Da One In Charge, tell you dis!

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

Jeremiah 5:10

“Attack da grape farms an bus up ery row. But no wipe all a dem out. Broke off all da young branches, Cuz dese peopo not da peopo a Da One In Charge.

Jeremiah 5:18

Da One In Charge tell dis too: “But wen dat happen, I still yet no goin wipe out all you guys.

Sad Song 3:22

Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Ezekiel 11:13

Right den an dea, da same time I stay talk fo God, Benaiah boy Pelatiah mahke. Den I go down an put my face on top da groun, an yell wit one loud voice, “Bummahs! You Da One In Charge, you da King! You goin wipe out all da Israel peopo dat still stay alive, o wat?”

Ezekiel 6:8

“ ‘But some a yoa peopo, I goin let dem stay alive so dat da army guys no goin kill dem. Dey goin go all ova to diffren countries.

Hosea 11:9

I no goin punish you guys jus cuz I stay huhu wit you. I no goin turn aroun an jam up you Efraim peopo. Cuz I God! I not one guy! I da One dat stay good an spesho, an I live wit you guys. I stay huhu, but I no goin come bus up you guys!

Prieses 26:44

But no matta all dat. Wen dey stay inside da land a da peopo dat stay agains dem, I no goin make jalike dey no good, fo wipe um out to da max. I no goin broke da deal I wen make wit dem. Cuz me Da One In Charge, dea God.

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Jesus Guys 18:10

Cuz I stay wit you, an nobody goin hurt you. Plenny peopo from dis town, dey all mines.”

Rules Secon Time 4:31

Cuz yoa God, Da One In Charge, he give chance. He no goin leave you guys, o wipe you out, o foget da deal he wen make wit yoa ancesta guys, cuz he wen make one promise to dem dat fo shua he goin do wat he tell he goin do.

2 Timoty 4:22

I like Da One In Charge stay tight wit eryting inside you. An I like him fo do plenny good kine stuffs fo all you guys!