Jeremiah 3:3 - Hawaii Pidgin Bible

³ Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Jeremiah 3:3 ပူးပေါင်းရင်းမြစ်များ

Start 19:34

Da nex day, da older daughtah tell da younga daughtah, “Eh! Las nite, I wen go sleep wit oua faddah. We go do da same ting tonite. We give um plenny wine fo drink, den you go sleep wit him fo him an us get kids an make oua ohana stay alive.”

Nehemiah 9:17

“Dey tell, ‘No way us guys goin lissen wat God tell!’ Dey no even tink bout da awesome kine tings you do Right dea in front dem. Dey even come mo hard head fo go agains you, An pick one leada guy fo bring dem back Egypt side Fo come slave guys one mo time. “But you, you one God dat no bodda you Fo let da peopo go Fo da bad kine tings dey do. You get one big heart fo do good tings fo peopo. You get pity fo peopo. You take long time befo you get huhu. You erytime stay tight wit yoa peopo. Dass why you neva leave yoa peopo dat time,

Smart Guys 21:29

Bad guys ack jalike notting bodda dem, But da guys dat do wass right, Dey tink bout wea dey stay go.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Jeremiah 14:1

Dis wat Da One In Charge tell me Jeremiah bout how come one time no mo rain:

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 14:3

Dea alii guys sen dea worka guys fo go carry watta. Dey go da watta storage places, But no mo watta ova dea. Dey come back wit empty watta jars. Dey shame an dey lose face, Az why dey cova dea head.

Jeremiah 14:4

Da groun all dry an stay crack, Cuz no mo rain inside da land. Da farma guys stay shame. Az why dey cova dea heads too.

Jeremiah 36:2

“Go get papyrus kine paypa fo make one roll up kine book. Write on top um all da messages I wen give you bout wat goin happen to Israel, Judah, an da odda peopos. Start from da time wen Josiah stay king an wen me start fo talk to you da firs time, till now.

Jeremiah 5:24

Dey no talk jalike my peopo. Dey no tell: ‘Eh, we goin come sked an shake An get choke respeck fo oua God, dass Da One In Charge a us! He give da rain da right time hea, Novemba kine rain, an March kine rain. He make shua ery year get food ready fo harves.’

Jeremiah 5:25

But cuz you guys stay do wass wrong, Da time fo rain an da time fo harves food no goin come. An cuz you guys stay do bad kine stuff, Da good kine stuff no goin happen fo you guys.

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Jeremiah 6:15

You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Jeremiah 9:12

Nobody stay smart enuff fo undastan all dis! No mo nobody dat Da One In Charge wen teach fo da guy tell wat all dis mean! How come da land stay all wasted an burn up jalike da boonies fo no mo nobody go thru dea?!

Ezekiel 3:7

But da Israel ohana peopo, dey no goin like lissen you cuz nobody like lissen me cuz all da Israel ohana peopo hard head. Dey make up dea mind awready. Dey no goin change.

Prieses 26:19

You guys get big head cuz you strong, but I goin bus you guys up an show dat you not strong. I goin take away da rain from da sky ova you guys jalike az iron, an I goin make da groun unda you guys hard jalike az bronze metal.

Amos 4:7

Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.

Amos 4:8

Had peopo from two-three towns, Real thirsty, aah? Dey stagga to anodda town Fo try get watta fo drink, But dey no can find enuff. Still yet, you guys no like come back an be my guys!” Dass wat Da One In Charge tell.

Zefaniah 2:1

You Judah guys dat no shame, Bring da whole nation togedda!

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Haggai 1:11

I wen make da fields an da hills dry up. Same ting fo da wheat an barley, da new wine, da olive oil, an wateva kine food da groun give. Goin hurt da peopo an da animals. You guys goin bus ass, but no goin get notting!”

Rules Secon Time 28:23

“Da sky ova yoa head goin come dry jalike bronze metal, da groun unda yoa feets goin come real hard jalike iron.

Hebrews 12:25

Eh, you guys! Make shua you lissen God, da One stay talking. Da Israel peopo, dey neva like lissen Moses. He da guy hea inside da world dat wen tell dem wat God tell. But cuz dey neva lissen, God wen punish dem. Dat mean, us guys goin get it even moa, if we no lissen da One from da sky wen he stay talk to us!