Jeremiah 3:11 - Hawaii Pidgin Bible

¹¹ Da One In Charge tell me dis too: “Da Israel peopo, dey no stay tight wit me. But dey stay do mo right den da Judah peopo, dat ack jalike one wahine you no can trus.

Jeremiah 3:11 ပူးပေါင်းရင်းမြစ်များ

Jeremiah 11:10

Dey stay make jalike befo time an do wass wrong. Dey do same kine ting dea ancesta guys wen do. Dea ancesta guys neva like lissen wat I tell. An now, dese guys stay tight wit odda gods an work fo dem. Da Israel an Judah ohanas wen broke da deal I wen make wit dea ancesta guys.

Jeremiah 3:22

Da One In Charge tell: “Go come back, you peopo Dat nobody can trus. I goin make you guys come good one mo time, So bumbye you no bag from me. “Mo betta you tell: ‘Az right, us guys da one! Us guys like come by you now, Cuz you oua God, dass Da One In Charge a us.

Jeremiah 3:7

I wen tink dat afta dey do all dat kine stuff, dey goin come back by me, but dey neva. An da Judah peopo, dey jalike dea sistah guys too. Dey see wat da Israel peopo do, an dey do da same ting an ack jalike one wahine you no can trus too.

Jeremiah 3:8

An da Judah peopo wen see dat I wen cut off da Israel peopo, jalike I give um one divorce paypa an sen um away, cuz dey ack jalike one wahine dat no stay tight wit her husban an fool aroun wit da odda gods. But I see dat dea sistah guys, da Judah peopo, dey no stay tight wit me too. Dey no sked fo make jalike one wahine you no can trus, an go fool aroun wit da odda gods too, jalike da wahines dat fool aroun fo money.

Ezekiel 16:47

Fo shua, you wen live jalike dem, an do da same pilau kine stuff dat dey do. But you wen make mo worse den dem.

Ezekiel 23:11

“Oholibah wen see wat happen to her sistah Oholah. But cuz she get da hots fo fool aroun mo den Oholah, she come mo pilau den her sistah.

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!