Jeremiah 29:31 - Hawaii Pidgin Bible

³¹ “Sen one letta fo all da prisona guys inside Babylon, dat dis wat Da One In Charge tell Shemaiah da Nehelam guy: Shemaiah wen ack jalike he stay talk fo me to you guys, no matta I neva sen him. He make you guys trus wat he tell, no matta he bulai you.

Jeremiah 29:31 ပူးပေါင်းရင်းမြစ်များ

1 Kings 13:18

Da ol guy dat talk fo God tell um, “I one guy dat talk fo God too, jalike you. An one angel messenja guy wen tell me wat Da One In Charge tell. He tell, ‘Bring da guy back wit you yoa house fo eat an drink.’ ” (But da ol guy dat talk fo God, he bulai.)

Jeremiah 23:21

Da One In Charge tell: “I neva tell dese guys fo talk fo me, But ery place dey run, dey all mout. I neva tell notting to dem, But dey tell dey talk fo me.

Jeremiah 29:20

“Az why you guys betta lissen wat I tell all you prisona guys dat I wen sen from Jerusalem to Babylon.

Jeremiah 29:30

Da One In Charge give Jeremiah dis message:

Jeremiah 29:9

Dey bulai wen dey use my name an tell dat dey talk to you guys fo me. I neva sen dem!” Az wat Da One In Charge tell.

2 Peter 2:1

Befo time had some Israel peopo dat bulai. Dey wen tell dey talk fo God, but az was ony bulai. Same ting goin happen wit you guys. Goin get peopo dat tell dey teach fo God, but dey bulai! Dey goin be sneaky buggahs an dey no goin tell nobody wat dey stay do fo real. Dass how dey goin bring dea kine teaching. An if you guys lissen dem, you goin come wipe out fo shua! Dey even goin tell dat dey no need lissen to God, dea owna! Neva mind he wen pay one high price fo dem. Cuz da way dey ack, dey goin come wipe out real fas!