Jeremiah 29:11 - Hawaii Pidgin Bible

¹¹ Cuz me, I know da plans dat I stay make fo you guys. I goin make eryting come good fo you guys, an not bad. I goin make good kine stuff happen to you guys bumbye, da good kine stuff you stay wait fo.” Dass da message from Da One In Charge!

Jeremiah 29:11 ပူးပေါင်းရင်းမြစ်များ

Job 23:13

“But God, he da ony God dass fo real. No mo nobody can make him change his mind. He do wateva he like do.

Songs 33:11

Eryting Da One In Charge make one plan fo do, Dass how goin stay foeva. Wen he tink wat fo do, Dass how goin be foeva.

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

Isaiah 27:4

I no stay huhu wit my peopo no moa. If get peopo dat ack jalike Thorns an stickas Dat come up inside one grape farm, I goin attack um an burn um all up!

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Jeremiah 23:6

Wen he da king, da Judah peopo goin get outa trouble, An da Israel peopo goin know fo shua eryting stay okay. Dey all goin give dea king one name dat mean, ‘Da One In Charge, da one dat do right fo us guys erytime.’ ”

Jeremiah 24:5

“Me, Da One In Charge, da God fo da Israel peopo, an dis wat I tell: ‘Da prisona guys from Judah, dey jalike da good figs. Dey da ones I wen sen away from dis place to da Babylon land.

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Jeremiah 30:9

But dey goin work fo me, dea God, Da One In Charge, An fo David dea king, Wen I make somebody from David line Come king fo dem.

Jeremiah 33:6

“But den, I goin make da peopo inside dis town come good an strong one mo time. I goin make shua dey see how eryting stay good fo dem, an no mo notting bodda dem.

Sad Song 3:26

Az good fo wait an stay quiet, Till Da One In Charge get us outa trouble.

Ezekiel 11:16

“Az why you gotta tell um: ‘Dis wat Da One In Charge, da Boss, tell: I wen sen dem far away by da odda peopos, an scatta dem all ova da odda lands Still yet, fo one short time I stay jalike one safe place fo guard dem inside da lands wea dey go.’

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Micah 4:12

But da Jerusalem guys donno wat Da One In Charge plan fo do. Dey no can tink why he bring dem ova dea fo punish dem, Goin be jalike wen da farma guys harves da wheat An bring um one place Fo go drag one heavy board wit plenny spikes ova dem Fo clean out da junks from da wheat.

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”