Jeremiah 26:15 - Hawaii Pidgin Bible

¹⁵ But you gotta know dis fo shua—if you guys da ones goin kill me, you guys an erybody dat live inside dis town goin get da blame fo kill somebody dat neva do notting wrong. Cuz az true dat Da One In Charge wen sen me by you guys fo tell all dis stuff I stay tell fo you guys hear um.”

Jeremiah 26:15 ပူးပေါင်းရင်းမြစ်များ

Start 4:10

Da One In Charge tell, “Wat you wen do?! You wen murda yoa braddah, an now, his blood stay ova dea on top da groun, jalike he stay call out to me fo pay you back.

Start 42:22

Den Reuben talk. He tell um, “No foget, I wen tell you guys dat time, ‘No do notting fo hurt da boy!’ But you guys neva like lissen. An now, wat?! Jalike us guys gotta pay fo his blood!”

2 Kings 24:4

Dis Manasseh guy, he even wen kill plenny peopo dat neva do notting wrong, jalike he stay pour dea blood all ova Jerusalem town. Da One In Charge stay shua, he no goin let Manasseh go fo wat he wen do.

2 Records 24:22

King Joash foget awready dat Zekariah faddah Jehoiada wen stay tight wit Joash befo time, but King Joash kill Jehoiada boy Zekariah. Wen Zekariah stay die, he tell, “I like Da One In Charge see dis an make you pay fo um.”

Smart Guys 6:16

Get six kine tings dat Da One In Charge had it wit um. He come sick a dat kine tings.

Smart Guys 6:17

Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem,

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Jeremiah 2:34

You guys kill da guys dat need help, An peopo see dea blood On top you guy clotheses! An da ones you kill, dey neva do notting wrong. You guys neva even catch dem Stay broking inside yoa house.

Jeremiah 22:17

“But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 22:3

“ ‘Dis wat Da One In Charge tell: Inside dis place, judge da right way an do wat stay right. Make shua da guys dat rip off peopo no hassle da ones dey wen steal from da firs time. Fo da guys not from dis place, an da guys dat no mo faddah o muddah, o da wahines dat no mo husban, no go do stuff fo hurt dem o bus um up. No go kill somebody dat neva do notting wrong.

Jeremiah 26:12

Den Jeremiah tell all da leada guys an da peopo, “Was Da One In Charge dat wen sen me hea fo talk fo him, an fo tell wat word you guys wen hear agains dis Temple an dis town.

Jeremiah 30:1

Dis da message from Da One In Charge fo Jeremiah:

Jeremiah 7:6

You guys no goin give hard time to da peopo from odda places dat stay live wit you guys, o da kids dat no mo faddah, o da widow wahines. You guys no goin go kill da peopo dat neva do notting wrong inside dis land. You guys no goin stay tight wit odda gods cuz dat goin hurt you guys.

Census 35:33

“No make da land come pilau wea you guys live. Wen somebody kill anodda guy, dat make da land come pilau. You no can make pono da land wea somebody wen kill anodda guy. Ony if you kill da guy dat wen kill da odda guy, den you can make um pono.

Matthew 26:25

Judas, da guy dat goin set him up, he tell, “Eh Teacha! Fo shua, dass not me, aah?” Jesus tell him, “You da guy.”

Matthew 26:4

Dey tell, “How us goin trick Jesus fo bus um? Den can kill um.”

Jesus Guys 7:60

An he fall down on his knees, an yell, “You Da One In Charge! No hold dis bad ting agains dem.” An afta he tell dat, he mahke.

Rules Secon Time 19:10

Do dat fo make shua you guys no goin kill somebody dat neva do notting bad inside da land dat yoa God, Da One In Charge, stay give you guys fo come yoa property. Cuz if you guys go kill somebody dat neva do notting bad, den goin be you dat goin get da blame fo kill dem.

Jesus Show 16:6

Cuz dey wen kill da guys dat talk fo you, An yoa odda spesho peopo. Dey make yoa peopo bleed an mahke. Az why you give dose peopo dat stay agains you Blood fo dem drink too, Cuz az wat dey get cuz dey kill yoa peopo.”