Jeremiah 25:35 - Hawaii Pidgin Bible

³⁵ No mo place fo run an hide Fo you guys dat suppose to take kea da sheeps. No mo place fo get outa trouble Fo you guys dat get powa ova da sheeps.

Jeremiah 25:35 ပူးပေါင်းရင်းမြစ်များ

Job 11:20

But da peopo dat do bad kine stuff, Dea eyes no goin see wass happening. No way dey goin get outa trouble. Da ony ting dey wait fo, az da las time dey breave.”

Songs 142:4

Try look aroun me fo see No mo nobody kea fo help me! Da place fo go wea nobody can hurt me, Gone awready! Nobody kea if I alive o mahke!

Jeremiah 11:11

Az why dis wat me, Da One In Charge, tell: ‘I goin make one real bad kine ting happen to dem, an dey no goin get outa dat. Dey goin yell fo me help um, but I no goin lissen.

Jeremiah 25:36

Da sheep guys stay yell fo help! Da ones dat own da sheeps stay scream fo help! Cuz Da One In Charge stay wipe out dea grass fields.

Jeremiah 32:4

But Zedekiah, da Judah king, no goin get away from Babylon guys. Fo shua, da Babylon king goin make him one prisona, an den he goin see da Babylon king an den dey goin talk.

Jeremiah 34:3

An you, Zedekiah, you no goin run away from Nebukadnezzar. His guys goin catch you an bring you by him. Dey goin bring you in front da Babylon king an you goin talk wit him. Den you goin go Babylon side.

Jeremiah 37:17

Den King Zedekiah tell his guys fo bring Jeremiah by da palace, but bring um secret kine so nobody know he dea. Zedekiah aks Jeremiah, “You get one message from Da One In Charge, o wat?” Jeremiah tell, “Shua, get! Da One In Charge goin make da Babylon king catch you.”

Jeremiah 38:18

But if you no goin give up to da officer guys fo da Babylon king, den dis town goin go to da Babylon guys, an dey goin burn um down. An no ways you goin get away from dem!’ ”

Jeremiah 38:23

“Da Babylon guys goin take away all yoa wifes an kids. Dea king goin tell his guys fo capcha you. Az why you no can run away from dem. An dey goin burn down dis town.”

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Ezekiel 17:15

But da Judah king wen go agains da Babylon king. He sen messenja guys Egypt side fo get horses an plenny army guys fo fight. You guys tink da Judah king goin win, o wat?! You guys tink he goin get outa dea, o wat?! Da one dat do dis kine stuff, you tink he can broke da deal an still yet get outa dea, o wat?!

Ezekiel 17:18

Da Judah king come piss off cuz he wen make da strong promise he gotta keep, so he wen broke da deal. But cuz he shake hand fo make da promise, an den he go do all dat kine stuff, no ways he goin get outa da deal!

Daniel 5:30

But dat same nite, da Mede army guys kill Belshazzar, da king fo da Babylon peopo.

Amos 2:14

Da guy dat can run fas, no matta, Still yet, dey goin catch um. Da guy dat strong, no matta, He no goin do notting. Da army guy no goin stay alive, No matta he know how fo fight.