Jeremiah 25:34 - Hawaii Pidgin Bible

³⁴ “You bad leada guys, You suppose to take kea yoa peopo Jalike da sheep guys take kea dea sheeps. But you goin cry an yell. You guys dat get powa ova yoa sheeps, Roll aroun on top da dirt, Jalike fo one funeral! Now stay yoa time fo you get kill O get chase all ova da place! You guys goin fall down an come bus up Jalike you da kine clay pots dat cost plenny an easy fo broke.

Jeremiah 25:34 ပူးပေါင်းရင်းမြစ်များ

2 Records 36:10

Spring time, King Nebukadnezzar sen guys fo take him Babylon town, wit da mos nice kine tings from da Temple Fo Da One In Charge. Den Nebukadnezzar make Koniah relative Zedekiah da king fo Judah an Jerusalem.

Songs 2:9

You goin smash um wit one iron bar, An bus um up Jalike dey ony clay pots.’ ”

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 2:16

If peopo tink dey strong jalike da big boats dat go Spain, Da nice looking boats, Da One In Charge can sink um.

Isaiah 30:14

Da wall goin broke jalike one clay pot. Goin all broke in small pieces, Cuz I no goin hold back notting. Da small pieces dat stay, No goin be big enuff fo take hot coal from da fire, O even fo get watta from da watta place.”

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 34:6

Da One In Charge, his sword get plenny blood on top! Get fat all ova um From da bebe sheeps an goats fo make sacrifice, Fat from da boy kine sheep kidney Dat he use fo make sacrifice. He goin kill plenny peopo inside da Edom land, Jalike goin get one sacrifice fo Da One In Charge Inside Bozrah, da Edom town.

Isaiah 34:7

He goin kill da wild cows An da odda kine animals fo make sacrifice. He goin kill da young bulls too, An da real big bulls fo make sacrifice. Goin get blood all ova dea land. Da dirt ova dea goin stick togedda from da fat.

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Jeremiah 22:28

Peopo tell: “Dis guy Koniah— He jalike one pot dat erybody tink no good awready, Dat stay all bus up. He jalike one dish, Dat no mo nobody like keep um. How come gotta throw out him an his kids An make um go anodda country Dey neva know befo, aah?!

Jeremiah 23:1

Anodda message from Da One In Charge: “Ho, da leada guys, dey all jam up! Dey suppose to take kea my peopo jalike da sheep guys take kea da sheeps. But dem, dey wipe out da sheeps inside my field! O dey make um run away all ova da place!”

Jeremiah 25:12

An Da One In Charge tell: “But wen da seventy year pau, I goin punish da Babylon king an his peopo an wipe out dea land, cuz dey get da blame fo da bad kine stuff dey wen do. An I goin wipe out dea land foeva, an dis goin make peopo come shock foeva.

Jeremiah 25:23

da peopo from Dedan, Tema, Buz, an erybody dat cut dea hair spesho kine fo dea gods,

Jeremiah 25:36

Da sheep guys stay yell fo help! Da ones dat own da sheeps stay scream fo help! Cuz Da One In Charge stay wipe out dea grass fields.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Jeremiah 3:19

“Da One In Charge tell, ‘Me, I da One wen tell Dat fo shua I like make you guys importan, jalike you my kids. I like give you guys da good kine land dat erybody like live dea Fo stay yoas foeva. Dis place, mo nice looking den da lands da odda peopos get. I wen like fo you guys call me yoa faddah. An I no tink you guys goin dig out from me an no stay tight wit me.

Jeremiah 48:26

“Make da Moab peopo come wasted, Cuz dey tink dey stay mo big den Da One In Charge. Let da Moab peopo roll aroun inside dea bahf Fo erybody stay make fun a dem.

Jeremiah 48:38

On top all da flat roofs Moab side, An inside all da open places, Erybody stay moan cuz dey stay sad inside. Cuz I wen bus up Moab, Jalike one clay jar dat nobody like um no moa.” Az wat Da One In Charge tell.

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Jeremiah 6:26

My peopo, you betta put on burmbag kine clotheses An lay down on top da ashes fo show you stay sad inside! Stay sore inside an cry plenny, Jalike yoa ony boy wen mahke! Cuz wen you tink dey no stay come, Da army guys dat goin wipe us out goin come!”

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Ezekiel 34:20

“ ‘Az why dis wat me Da One In Charge, da Boss, tell da leada guys: Dis wat I goin do! Cuz you leada guys make jalike da momona sheeps, I da One goin judge da momona sheeps an da skinny sheeps fo see wat ones do wass right!

Daniel 11:8

He goin take stuffs from dea gods an dea god statues dat dey melt metal fo make um, an dea nice tings, dea silva an gold stuffs, an take um Egypt side. Fo short time afta dat, he no goin bodda da king fo da north side.

Hosea 8:8

Az jalike odda peopo swallow da Israel peopo. Now da Israel peopo come jalike one a da odda peopos Dey jalike one ol pot dat not worth notting!

Amos 5:11

Cuz da peopo dat no mo notting, You guys make um pay tax An take away some a da food dat dey harves an clean, Cuz a dat, no matta you guys build house Wit fancy kine cut stone block— You guys no goin live inside. No matta you guys plant one good looking kine grape farm— You guys no goin drink da wine from dose grapes.

Zekariah 10:3

Da One In Charge tell, “I stay real huhu wit da sheep guys dey get, An I goin punish da leada guys. Cuz me Da One In Charge, Da God Ova All Da Armies, I goin take kea da Judah ohana. Dey jalike my sheeps. I goin make dem strong jalike one big war horse.

Zekariah 11:3

Lissen, da sheep guys stay cry loud, Cuz dea green fields stay wipe out. Lissen da big noise da young lions make, Cuz da thick jungle by da Jordan Riva stay all jam up!

James 5:5

You guys party up all da time hea inside dis world, an you guys tink you gotta get ony da bestes kine stuffs fo you. You guys jalike da cows. You stay eat all day an come all fat, fo da time dey goin bring you guys to da slaughterhouse!