Jeremiah 25:21 - Hawaii Pidgin Bible

²¹ da Edom, Moab, an Ammon peopos,

Jeremiah 25:21 ပူးပေါင်းရင်းမြစ်များ

Songs 137:7

Da One In Charge no foget Wat da Edom peopo wen do Da time da Babylon army guys wen take ova Jerusalem town. Dey wen yell, “Bus up da place! Wipe da place to da groun!”

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Jeremiah 27:2

I tell da peopo dat Da One In Charge tell me dis: “Make da kine straps an bars dat peopo use fo one yoke fo dea cow pull wagon. Tie da yoke on top yoa neck.

Jeremiah 27:3

Den sen one message bout da yoke to ery ambassada guy dat come by Zedekiah, da king fo Judah inside Jerusalem. Da ambassada guys come from da kings fo Edom, Moab, Ammon, Tyre, an Sidon. Tell um take home da message fo dea king.

Jeremiah 40:14

Dey tell him, “You know dat Baalis, da king fo da Ammon peopo, wen sen Ishmael, Netaniah boy, fo kill you?!” But Gedaliah no tink az fo real wat dey tell.

Jeremiah 48:1

Fo Moab, dis da message from Da One In Charge, da God Ova All Da Armies, da God fo da Israel peopo: “Ho! Bummahs fo da peopo dat live Nebo town, Cuz dey goin come wipe out! Da Kiriataim peopo goin come prisonas an come shame. Da mountain dat get one strong wall on top, Dat wall goin broke down An da peopo dea goin come shame too.

Jeremiah 49:1

Dis wat Da One In Charge tell bout da Ammon peopo: “You tink da Israel peopo no mo boys, o wat? O you tink da Israel faddahs no mo nobody Fo take ova dea land wen dey mahke? Den, how come da Ammon peopo stay take ova da Gad ohana land Fo dea god Molek? How come dey take ova da Gad ohana towns an live dea?”

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Ezekiel 25:1

Get anodda message from Da One In Charge a me:

Ezekiel 32:29

“Da Edom kings an all dea princes stay dea too. No matta dey stay strong befo time, dey lay down ova dea wit da guys dat get kill wit swords. Dey lay down dea wit da guys dat no mo da mark from God. Az da guys dat go down inside da Deep Dark Hole.

Amos 1:11

You betta lissen! Dis wat Da One In Charge tell: “Ova an ova, da Edom peopo wen go agains me. Az why, no way I goin let um go an no punish dem! Dey wen go hunt dea braddah guys, da Israel peopo, Wit swords fo kill dem. Dey neva like show pity fo da Israel peopo. Dey like stay huhu all da time An no mo cool head, eva.

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Amos 2:1

You betta lissen! Dis wat Da One In Charge tell: “Ova an ova, da Moab peopo wen go agains me. Az why, no way I goin let um go an no punish dem! Dey wen make any kine to da mahke king fo da Edom peopo, Cuz dey wen dig up his body an burn his bones Till ony get ash fo make mortar.

Obadiah 1:18

Da Jacob ohana goin be jalike one fire. Da Joseph ohana, same ting. An da Esau ohana goin come jalike da junk kine stuffs from da wheat. Dey goin burn up jalike da junk kine stuffs. No mo nobody goin stay alive From da Esau ohana.” Az wat Da One In Charge tell.