Jeremiah 25:16 - Hawaii Pidgin Bible

¹⁶ Wen dey drink um, dey goin stagga, an come pupule, cuz I goin sen war inside dea countries fo wipe um out!”

Jeremiah 25:16 ပူးပေါင်းရင်းမြစ်များ

Jeremiah 13:12

“Da One In Charge tell me fo tell da peopo dis:

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 25:27

Den Da One In Charge tell me: “Now tell um, ‘Dis wat Da One In Charge, da God Ova All Da Armies, da God fo da Israel peopo, tell: Go drink plenny from da cup. Come piloot an puke an fall down so you no can stan up no moa, cuz I goin sen armies fo wipe out you guys.’

Jeremiah 45:5

You like plenny peopo know who you bumbye, o wat?! No try. Cuz I goin make bad kine stuff happen to peopo all ova da world. But no matta wea you goin go, I goin let you get outa dea alive.’ ” Az wat Da One In Charge tell.

Jeremiah 48:26

“Make da Moab peopo come wasted, Cuz dey tink dey stay mo big den Da One In Charge. Let da Moab peopo roll aroun inside dea bahf Fo erybody stay make fun a dem.

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:7

Da One In Charge wen use da Babylon peopo Fo punish da whole world! Jalike he stay give um one gold cup Fo make da whole world come piloot. Jalike all da peopos suck up da wine Dat da Babylon guys give um, Az why all da nations come pupule!

Sad Song 3:15

God make me suffa plenny, Jalike I stay swallow someting dat taste real bad.

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Obadiah 1:16

Jalike you Judah peopo wen suffa on top da hill dat stay spesho fo me, Cuz I punish dem, Az how all da odda peopos goin stay suffa all da time. Dey goin come jalike dey neva was.

Nahum 3:11

Same ting wit you Nineveh peopo! You guys goin drink plenny an come piloot too. You goin hide an look fo one place Wea da guys dat stay agains you no can find you.

Jesus Show 14:10

God come real huhu an tell ‘Laytas’ to da bad kine stuff dose peopo stay do. He goin make dose peopo suffa real bad from da burning sulfur, in front God spesho angel guys dat stay spesho fo God an in front da Bebe Sheep Guy. Dass jalike wen one guy make anodda guy drink too much real strong wine, fo make um come real piloot.

Jesus Show 14:8

Den I see da numba two angel messenja guy come. He tell, “Babylon, da Big Town, come wipe out! Cuz da Babylon peopo wen ack jalike one wahine dat make all da diffren peopos drink her kine wine, an dat make dem all go pupule an ony like fool aroun somebody.”

Jesus Show 18:3

Da Babylon peopo, jalike dey one wahine, An all da diffren peopos all ova da world, Jalike dey fool aroun wit her. She make um do any kine, Jalike she make um drink too much strong wine Fo make um come real piloot! Da kings inside da world wen fool aroun wit her too. An da trader guys all ova da world Wen come rich from all kine rich stuffs Dat Babylon get from dem fo ony her.”