Jeremiah 25:14 - Hawaii Pidgin Bible

¹⁴ Da Babylon guys goin be da ones fo come slaves fo strong kings an dea peopos. I goin pay back da Babylon guys fo da bad kine stuff dey do!”

Jeremiah 25:14 ပူးပေါင်းရင်းမြစ်များ

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Isaiah 13:4

“Lissen up! Get big noise on top da mountains, Soun jalike get plenny peopos on top dea! Lissen up! Da king guys an dea nations, Dey stay coming togedda fo fight Babylon! Da One In Charge, da God Ova All Da Armies, He stay make ready one army Fo go make war.

Isaiah 14:2

Da peopos from Babylon goin take da Israel peopo An bring um back inside dea place. Den da Israel ohana goin take ova dose odda peopos, An da odda peopos, guys an wahines, Goin stay work fo da Israel peopo inside Da One In Charge land. Befo time, da Babylon peopo make da Israel peopo come prisonas, But now, da ones wen put presha on da Israel peopo, Dey come dea prisonas.

Isaiah 66:6

Lissen up! Get plenny noise from da town, An from da Temple. Az da noise Da One In Charge stay make Wen he pay back da guys dat stay agains him!

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Jeremiah 32:19

You tell plenny peopo wass good fo dem do, an you stay strong fo do plenny kine stuff. You see an know how all da peopo stay live. You pay erybody fo da way dey live, good o bad, an fo wateva happen from da tings dey do.

Jeremiah 50:41

“Eh look! Get army guys stay come from da north side! One supa strong nation, an plenny odda kings wit dem, Dey stay come from one real far place on top da earth.

Jeremiah 50:9

Cuz dis wat I goin do: I goin make some peopos come huhu an come togedda Fo make one plan fo attack Babylon town. Da armies from da big countries goin come From da north side. Dey goin make ready fo fight. Dey goin take ova Babylon from da north. Dea arrows, jalike army guys dat no goin miss, An erytime dey goin hit wat dey shoot.

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Daniel 5:28

“An ‘parsin,’ mean dat God half half da land wea you stay king, an give half to da Mede peopo an half to da Persia peopo.”

Hosea 9:7

Da time fo punish you stay come. Az da time fo pay you back, cuz you wen make lidat. Make shua da Israel peopo know dat! You guys do plenny bad kine stuff, An you guys hate me plenny. Az why you guys tink da guys dat talk fo God Do bad kine stuff an no bodda dem, An you tink da guys dat lissen God Spirit, pupule.