Jeremiah 24:3 - Hawaii Pidgin Bible

³ Den Da One In Charge tell me, “Eh Jeremiah! Wat you see?” I tell, “Figs. Da good figs stay real good, but da rotten figs stay real bad, nobody can eat um.”

Jeremiah 24:3 ပူးပေါင်းရင်းမြစ်များ

Jeremiah 24:4

Den Da One In Charge give me dis message:

Jeremiah 29:17

Dis wat Da One In Charge tell, “I goin sen war agains da ones dat stay hea inside Jerusalem. Dey no goin get food, an dey goin get one bad kine sick, cuz I stay agains dem. I goin make to dem jalike dey rotten kine figs, dat stay real bad, fo no mo nobody eat um.

Amos 7:8

Da One In Charge tell me, “Eh Amos! Wat you see?” I tell um, “One string jalike da house builda guys pull fo check out if da wall stay strait.” My boss tell, “I tell you dis: My peopo, da Israel peopo, dey no stay strait inside! I wen check dem out awready, jalike da house builda guy pull string fo check out da wall. Dis time, cuz a da bad kine stuff dey stay do, no way I goin let dem go one mo time.”

Amos 8:2

Den Da One In Charge tell me, ‘Eh Amos! Wat you see ova dea?’ ” I tell um, “One basket. Inside, get da kine fruits dat ony get summa time.” Den Da One In Charge tell me, “Dass jalike my Israel peopo. Litto bit mo an dey goin come wipe out jalike da fruits. No way I goin let dem go one mo time an no punish dem!”

Zekariah 4:2

He aks me, “Wat you see dis time?” I tell um, “I see one lamp stan, da kine dey make from gold. Get one bowl on da top, an on top da edge a da bowl, get seven olive oil lamps. Get seven places fo da wicks a da seven lamps.

Zekariah 5:2

Da angel messenja guy aks me, “Wat you see?” I tell him, “I see one roll up paypa dat stay flying. Da paypa thirty feet long, an fifteen feet wide.”

1 Samuel 9:9

(Now, befo time, wit da Israel peopo, wen one guy go some place fo find out someting from God, he tell, “Come! We go by da guy dat can see wass goin happen,” cuz az wat dey call da guys dat talk fo God, dat time, “guys dat can see.”)