Jeremiah 23:9 - Hawaii Pidgin Bible

⁹ Dis bout da guys dat talk fo God. I tink bout Da One In Charge An all da tings he tell cuz he good an spesho. An den I tink bout da guys dat tell dey talk fo God. Make my head come all hamajang inside. Me, jalike my body come real weak. I stay jalike I piloot, Jalike one guy dat no can handle notting, from drink wine.

Jeremiah 23:9 ပူးပေါင်းရင်းမြစ်များ

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 69:20

Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 29:9

Hang aroun an no do notting, An yoa jaws goin drop! Cova yoa eyes, Fo you no see notting! Come jalike you stay piloot, But not cuz you drink wine. Walk aroun an stagga, But not cuz you drink beer.

Isaiah 51:21

Az why you guys gotta lissen Wat I goin tell you now, You guys dat stay feel sore inside, An feel jalike you piloot, But not from da wine.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Jeremiah 36:16

Wen dey hear all dat stay write dea, dey look at each odda, an dey come sked an shaking. Dey tell Baruk, “Us guys gotta tell da king all dis stuff!”

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Jeremiah 8:18

Jeremiah tell, “I real sad! No way I can come good from dat! Inside, I come weak.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Sad Song 3:15

God make me suffa plenny, Jalike I stay swallow someting dat taste real bad.

Ezekiel 13:3

Dis wat da Boss, Da One In Charge tell: Ahanas, you stupid guys dat tell you talk fo me, Da One In Charge, cuz you ony lissen yoa spirit, an no see notting!

Ezekiel 9:4

Da One In Charge tell him, “Go all ova Jerusalem town. Go find all da peopo dat stay make sad kine noise an stay crying cuz dey sore inside from all da pilau kine stuff erybody stay do ova dea. Go make one mark on top dem. Put um on top dea forehead.”

Ezekiel 9:6

Kill ol guys, young guys, teenage girls, kids an wahines. But all da guys dat get da mark on dem, stay away from dem. Da firs place you go, go da spesho place dass fo ony me.” So da firs peopo dey kill goin be da older leada guys dat stay in front da Temple.

Daniel 8:27

Me, Daniel, afta I see all dis, I come weak an come sick fo days. Den I get up an do my job fo da king. I stay bum out cuz a da dream, az cuz da dream blow my mind.

Habakkuk 3:16

Wen I hear all dat, my body stay shake. My lips shake cuz I sked. My bones come weak. My legs shake wen I stan. But I goin res easy An wait fo da time God goin punish dem, Dose peopo dat attack us.

Rome 7:9

Da way I live befo time, I neva know da Rules. Den bumbye, I find out dat God tell dat get tings I not suppose to do—an right den an dea, jalike all da bad kine stuff inside me wen wake up an make me like do dose tings real bad!