Jeremiah 23:4 - Hawaii Pidgin Bible

⁴ I goin put leada guys ova dem jalike real kine sheep guys fo take kea dem. Dey no goin stay sked no moa, an erybody dat suppose to be dea, goin be dea.” Az wat Da One In Charge tell.

Jeremiah 23:4 ပူးပေါင်းရင်းမြစ်များ

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Jeremiah 31:10

“Lissen wat me, Da One In Charge, tell, you peopos! Make shua erybody inside da far away islans know dis! Tell um: ‘Da One dat wen scatta da Israel peopo, He da One goin bring dem back togedda. He goin take kea dem Jalike one sheep guy take kea his sheeps.’

Jeremiah 33:26

An jalike I neva broke dat deal, I no goin broke my deal bout da Jacob ohana, o da peopo dat goin come from my worka guy David! Fo shua I goin pick guys dat come from him, fo stay king fo da peopo dat come from Abraham, Isaac, an Jacob. Az cuz I goin bring um back from prison, an I get love an pity fo dem.”

Ezekiel 36:11

I goin make da peopo an animals inside you mountains come mo plenny. Goin get plenny kids. An I goin let peopo live inside you mountains jalike befo time. An I goin do mo plenny good tings fo you mountains den I wen do befo time. Den you guys goin know dass me Da One In Charge do all dat.

Prieses 26:9

“I goin make good to you guys. I goin give you guys plenny kids fo you come mo plenny peopo. I goin stick wit da deal I wen make wit you guys.

Micah 4:4

Dat time, erybody goin sit down Undaneat his grape plant an his fig tree, An nobody goin make um come sked. Cuz Da One In Charge, Da God Ova All Da Armies, Wen tell dis.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Zefaniah 3:13

“Da Israel peopo dat still stay alive, Dey no goin do wrong kine stuff. Dey no goin bulai peopo. Dey no goin tell stuff you no can trus. Jalike sheeps dat eat grass an den res, No mo notting goin make dem run away sked.”

Census 31:49

an tell um, “Yoa worka guys wen count da army guys unda us. No mo even one a dem dat we neva count.

John 17:12

All da time I wen stay wit dem inside da world, I use yoa powa fo take kea dem. I yoa guy, an I help dem stay tight wit you. Nobody come wipe out. Ony da one guy Judas, da guy dat like jam me up, he come wipe out, jalike da Bible tell long time befo time.

John 18:9

He tell dat fo make wat he tell befo time happen, da time he tell “Faddah, Da guys you wen give me, I neva lose dem, not even one guy.”

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.