Jeremiah 23:20 - Hawaii Pidgin Bible

²⁰ Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”

Jeremiah 23:20 ပူးပေါင်းရင်းမြစ်များ

Start 49:1

Laytas, Jacob tell all his boys fo come by him. He tell: “Go come togedda aroun me. I goin tell you guys wat goin happen to you Afta I mahke.

1 Kings 8:47

But den, yoa peopo goin turn aroun An start fo tink strait, Ova dea inside da land Wea dey stay prisonas. Dey goin change dea mind An beg you fo give um chance, Ova dea inside da land Fo da peopo dat make um prisonas. Dey goin tell you, ‘Us guys wen do bad kine tings An do wrong. Us get da blame fo da bad tings we do!’

2 Kings 23:26

Still yet, Da One In Charge stay huhu wit da Judah peopo cuz a all dat King Manasseh wen do fo make Da One In Charge come huhu.

2 Kings 23:27

Az why Da One In Charge tell, “I goin take away da Judah peopo from in front me, jalike I take away da Israel peopo awready. I goin throw out dis Jerusalem peopo. No matta I wen pick dis town an dis Temple. No matta I wen tell, ‘Dis Temple goin be da place wea peopo can find out who me!’ ”

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Isaiah 14:24

Da One In Charge, Da God Ova All Da Armies, Awready make dis promise: “I wen plan um lidis, dass how goin be. I wen tell dat wat gotta happen, dass how goin happen.

Isaiah 55:11

Dass jalike da tings I tell! Wen da words go out from my mout, Fo shua, I know Az not wase time! Da tings I tell, goin do wat I like um fo do, An make happen Wat I sen um fo make happen.”

Jeremiah 30:24

Wen Da One In Charge come huhu, He goin stay huhu Till he pau eryting he plan fo do. You guys goin undastan all dis, Bumbye wen da right time come.

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Jeremiah 51:12

“Put up one flag fo yoa army guys Fo tell um attack da Babylon town wall! Put mo plenny guard guys aroun da town! Tell da watcha guys wea fo stan! Hide army guys fo dem stay ready Fo jump da Babylon guys! Da One In Charge tell all dis Cuz he make one plan awready agains da Babylon peopo, An he goin do wat he wen promise fo do.

Ezekiel 21:10

Da sword stay sharp fo kill plenny peopo. An stay polish fo flash jalike da lightning.’ “ ‘Da Judah peopo no can feel good bout dis, cuz my sword no respeck da spesho stick da Judah king carry fo show he da king.

Ezekiel 21:5

Den erybody goin know dass me Da One In Charge, da one wen take out my sword, an I no goin put um away till I pau.’

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Rules Secon Time 4:30

Wen all dis kine trouble happen to you guys, an you guys come bum out, bumbye you guys goin come back by yoa God, Da One In Charge, an lissen wat he tell you fo do.