Jeremiah 23:2 - Hawaii Pidgin Bible

² Az why Da One In Charge, da God fo da Israel peopo, tell dis to da leada guys dat suppose to take kea my peopo: “You da guys wen make my sheeps an goats run away all ova da place. Cuz you no watch my sheeps an no take kea dem, I goin watch you guys fo punish you fo da bad kine stuff you guys do.” Az wat Da One In Charge tell.

Jeremiah 23:2 ပူးပေါင်းရင်းမြစ်များ

Outa Egypt 32:34

Now, you go. Take da peopo da place I wen tell you fo go. Goin get one angel messenja guy from me dat goin go in front a you. An wen da time come fo me fo punish peopo, I goin punish da ones dat wen do da bad kine stuff.”

Jeremiah 10:21

Da leada guys dat suppose to help da peopo, Dey jalike sheep guys Dat donno notting. Dey no go find out from Da One In Charge wat fo do. Az why dey no ack jalike peopo dat know wat dey stay do. Da peopo dey suppose to lead Go all ova da place, jalike sheeps.

Jeremiah 11:22

So dis wat Da One In Charge, Da God Ova All Da Armies, tell: “Me, I goin punish dem guys! Army guys wit swords goin kill dea young guys. Dea boys an girls goin mahke cuz dey no mo food.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 13:20

Look, you Jerusalem guys! You no can see Da army guys dat stay come from da north side, o wat?! So! Wea da peopo Da One In Charge tell you fo take kea dem?! Dey jalike uku pile a sheeps An you guys wen talk big bout dem!

Jeremiah 13:21

You guys wen work hard Fo make da Babylon peopo tink You guys dea frenz. So den! How you guys goin handle bumbye Wen Da One In Charge put dem in charge a you guys?! You guys goin come real sore, Jalike one wahine ready fo born one bebe!

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!

Jeremiah 23:34

If one guy dat tell he talk fo God, o one pries guy, o some odda guy tell, ‘Dis one spesho message from Da One In Charge,’ I goin punish dat guy an his ohana.

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Jeremiah 5:29

Da One In Charge tell, “You tink I no need punish dem fo all dis stuff?! I goin punish dem! You tink I no goin pay back dat kine peopo fo dis?! I goin pay um back!

Jeremiah 5:9

You tink I no need punish dem cuz dey make lidat?! No way! You tink I not suppose to pay back dat kine nation?! Not even!” Az wat Da One In Charge tell.

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Ezekiel 34:5

So dey scatta all ova da place cuz no mo sheep guys. Den da wild kine animals eat dem up.

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Zekariah 10:3

Da One In Charge tell, “I stay real huhu wit da sheep guys dey get, An I goin punish da leada guys. Cuz me Da One In Charge, Da God Ova All Da Armies, I goin take kea da Judah ohana. Dey jalike my sheeps. I goin make dem strong jalike one big war horse.

Zekariah 11:16

Cuz I goin put one guy ova da peopo inside da land, dat goin ack jalike one sheep guy, but he no goin kea if da sheeps get lost. He no goin look fo da bebe sheeps, o make da sheeps dat stay hurt come good, o give da good sheeps food. But he goin eat da meat from da bestes sheeps, an even pull off dea hoofs.

Matthew 25:36

I neva had clotheses, an you guys give me clotheses. I was sick an you guys take kea me. I wen stay one prison an you guys come fo see me.

Matthew 25:43

Wen I wen go wea nobody know me, you guys neva tell me come stay wit you. Wen I no mo clotheses, you guys neva give me notting fo wear. Wen I was sick, you guys neva take kea me. An wen I stay one prison, you guys neva even bodda fo come see me.’

James 1:27

God oua Faddah, he figga lidis: Da guy dat stay religious fo real kine, an no do notting pilau, he da one goin kokua da peopo dat get hard time—da kids dat no mo faddah o muddah, an da wahines dat no mo husban fo take kea dem. Dat kine guy, he no goin let da peopo inside da world make him do bad kine stuff.