Jeremiah 23:19 - Hawaii Pidgin Bible

¹⁹ Watch out! Wen Da One In Charge come huhu, Az jalike one big storm come. Stay jalike one tornado dat come down On top da head a da guys dat do real bad kine stuff.

Jeremiah 23:19 ပူးပေါင်းရင်းမြစ်များ

Songs 58:9

I like fo God wipe out dat kine peopo Mo fas den can make One pot come hot Wen you burn kiawe wood wit thorns, O burn da dry wood, O even da wood you jus wen cut.

Smart Guys 1:27

Dat time, you guys goin get real sked an you no can handle, jalike you inside one hurricane, An wen you get all bus up, goin blow you guys away jalike da hurricane wind, An you guys goin come all stress out cuz you no can do notting, An you goin get wipe out cuz a all da tings dat give you plenny presha.”

Smart Guys 10:25

Jalike afta da hurricane hit, Trouble come, an all da bad peopo, gone awready! But da peopo dat stay pono, Dey da ones stay solid an strong, Foeva kine.

Isaiah 21:1

Get heavy kine stuff fo tell too, bout wat goin happen to da Babylon land, Da Boonies By Da Sea: “One army go come agains Babylon, From one land wea da peopo real tough An erybody stay sked a dem! Dey goin go quick thru da Babylon land, Jalike da kine big storm wind dat blow hard Outa da boonies an go thru da south part a Judah.”

Isaiah 40:24

Dey jalike plants Dat somebody stick inside da groun, O throw da seed, An den dey start fo grow one root inside da groun. Right den an dea, dey pau, Jalike God blow on top um An dey come all dry, An den one storm come An blow um away, Jalike da junk kine stuff from da wheat.

Jeremiah 25:31

Da big noise goin go to da mos far places on top da earth. Cuz Da One In Charge goin poin finga da peopos. He goin go agains erybody dat stay alive. He goin go afta da guys dat do wass wrong wit his sword.’ ” Az wat Da One In Charge tell.

Jeremiah 25:32

Dis wat Da One In Charge, da God Ova All Da Armies, tell: “Dis wat I goin do. Bad kine stuff goin happen to one peopo An go from dem to anodda peopo. Jalike one strong storm stay coming From da mos far side a da earth.

Jeremiah 30:23

Watch out! Wen Da One In Charge come huhu, Goin be jalike one big storm come. Stay jalike one tornado dat come On top da head a da guys dat do real bad kine stuff.

Jeremiah 30:24

Wen Da One In Charge come huhu, He goin stay huhu Till he pau eryting he plan fo do. You guys goin undastan all dis, Bumbye wen da right time come.

Jeremiah 4:11

Dat time dese peopo an da Jerusalem peopo goin hear, “Da army stay come! Dey jalike one hot dry wind come down from da high rocky places inside da boonies, an blow on top my peopo dat I love. But dis wind, not da kine wind dat ony blow da junks outa da wheat an barley, o dat clean stuff.

Jeremiah 51:1

Dis wat Da One In Charge tell: “Look! I stay ready fo make somebody Wipe out Babylon town an da Babylon nation.

Ezekiel 1:4

I look an I spock one storm wit plenny wind dat stay come from da north. Had one big cloud wit da lightning flashing inside, an all aroun da outside get real bright light. Get someting look jalike red hot kine metal inside da middo part a da fire.

Ezekiel 13:13

“Cuz a all dat, Da One In Charge, da Boss, tell dis: Cuz I stay real huhu an tell ‘Laytas’ to wat you guys do, I goin make storm winds, an hail, an da rain dat make flood, come down an wipe you guys out.

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Zekariah 7:14

An I scatta dem jalike wit one tornado, so dey gotta go wea all da odda nations stay. An no mo nobody know dem ova dea. Inside dea land, no mo peopo. Az why no mo nobody like come dea, an no mo nobody go way from dea. Az how dey make dis nice land come one place wea no mo nobody stay!”

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.