Jeremiah 22:7 - Hawaii Pidgin Bible

⁷ I goin make guys come fo wipe out da palace. Erybody goin bring dea tools fo work. Dey goin chop up yoa nice cedar wood beams. An throw um inside da fire.

Jeremiah 22:7 ပူးပေါင်းရင်းမြစ်များ

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Jeremiah 15:8

I goin make dem get mo plenny widows Den da ocean get sand. Noon time, I goin bring somebody Fo wipe out da young guys. Right den an dea I goin make dea muddahs Come sore inside an stay real sked.

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 5:15

Da One In Charge tell, “Eh, you Israel ohana peopo! I goin make one peopo from far away Come attack you guys. Dey was dea from long time. You guys donno dea language. An you guys no undastan wat dey talking.

Zekariah 11:1

You Lebanon peopo, open yoa gates, Fo da fire burn up yoa cedar trees.

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.