Jeremiah 22:22 - Hawaii Pidgin Bible

²² I goin make all yoa leada guys come prisonas Jalike one strong wind blow um away. All da ones dat can help you fight Goin come prisonas an go one far place. Den, you goin get plenny shame an lose face, Cuz a all da bad kine stuff you wen do.

Jeremiah 22:22 ပူးပေါင်းရင်းမြစ်များ

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Jeremiah 10:21

Da leada guys dat suppose to help da peopo, Dey jalike sheep guys Dat donno notting. Dey no go find out from Da One In Charge wat fo do. Az why dey no ack jalike peopo dat know wat dey stay do. Da peopo dey suppose to lead Go all ova da place, jalike sheeps.

Jeremiah 12:10

“Get plenny leada guys from anodda place Goin wase wat I wen plant. Dey goin walk all ova my field. Dey goin bus up my nice place! (I stay talking bout wat dey goin do to my peopo!)

Jeremiah 2:36

How come you guys go dis place an dat place all da time, An no make up yoa mind who you like stay tight wit? Da Egypt peopo goin bum you out, Jalike da Assyria guys wen bum you out befo time too.

Jeremiah 2:37

Wea eva you guys go fo make one deal Fo dem help you, You goin go way from dea Wit yoa hands on top yoa head, Cuz dey make you come dea prisonas! Az cuz da peopos dat you guys trus, Dey no good. Me, Da One In Charge, an I tell you dat awready! You guys stay tight wit dem, Az why notting goin come good fo you guys.

Jeremiah 2:8

Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 30:14

All da nations dass was yoa frenz foget you awready. Dey no give a rip bout you. I wen wack you jalike I one guy dat stay agains you. I wen punish you jalike I one mean guy. Cuz you get da blame fo plenny tings, All da bad kine stuff you wen do.

Jeremiah 4:30

“All a you Jerusalem peopo, How come you make jalike one jam up wahine, No matta you goin get wipe out quick?! How come you put on fancy kine red dress? How come you put on gold jewelry? How come you paint yoa eyes fo make um look big? You dress up fo notting! Da guys befo time dat get da hots fo you, Dey tink you no good now. Dey like kill you.

Jeremiah 5:13

Dea guys dat tell dey talk fo God, dey ony mout. Da One In Charge no tell dem notting. Dey tell dat bad tings goin happen to us guys, But we like wat dey tell, happen to dem!’ ”

Jeremiah 7:19

But you tink I da One dey hurt?! No way! Dey ony make lidat fo dem come shame. Dey hurt ony dem wen dey do dat. Az da message from Da One In Charge.

Hosea 12:1

Da Israel peopo, dey ack jalike da wind stay dea food. All day dey chase da east wind. Dey bulai mo an moa, an dey beef mo an moa. Dey make one deal wit da Assyria peopo. Den dey sen olive oil Egypt side.

Hosea 13:15

No matta da Efraim peopo stay good mo den da odda nations, One wind from me Da One In Charge Goin come from da east side boonies. Goin blow ova hea from da boonies. Ery puka dat get watta goin come dry. Odda peopos goin rip off all dea rich kine stuff.

Hosea 4:19

One whirlwind goin blow dem away. Wen dey make dea sacrifices to da idols, dey goin come shame cuz a dat.”

Zekariah 11:17

“Bummahs, fo da sheep guy dat no worth notting! He bag from da sheeps. I like fo somebody wack his arm An his right eye wit one sword! I like his arm come all any kine, An he no can see notting wit his right eye.”

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.