Jeremiah 22:19 - Hawaii Pidgin Bible

¹⁹ Dey goin bury him jalike he one mahke donkey. Dey goin drag um outside da Jerusalem town gate An dump da body ova dea.

Jeremiah 22:19 ပူးပေါင်းရင်းမြစ်များ

1 Kings 14:10

“ ‘Cuz you do all dat, dis wat I goin do. I goin punish all da Jeroboam ohana. I goin wipe out ery man from da Jeroboam ohana inside da Israel land. No matta dey slaves o dey not slaves. I goin burn up all da Jeroboam ohana peopo, jalike peopo burn up all da rubbish, till no mo nobody.

2 Kings 23:36

Jehoiakim was twenny-five year ol wen he come king, an he stay king inside Jerusalem town fo eleven year. His muddah name Zebidah, Pedaiah girl from Rumah.

2 Kings 24:6

Da peopo bury Jehoiakim wit his ancesta guys inside David big town. Koniah, his boy, come da nex king.

2 Kings 9:35

But wen dey go outside fo bury her, dey no find notting. Ony her skull, her feets, an da inside part a her two hands.

2 Records 36:6

Nebukadnezzar da Babylon king attack Jehoiakim. He chain him up wit bronze leg chains fo take him Babylon side.

Teacha 6:3

Maybe one guy get hundred kids an live long time. But if he no stay good inside bout da good tings he get, an peopo no show respeck wen dey bury him, den no matta how long da guy stay alive. Dis wat I tink: One bebe dat mahke awready wen he born, stay mo betta den da guy.

Jeremiah 15:3

Da One In Charge tell: “I goin sen four kine tings fo wipe dem out: guys wit swords fo kill dem, da dogs fo drag da bodies out, da birds inside da sky, an da wild animals inside da fields fo eat um up an wipe um out.

Jeremiah 36:30

Az why me, Da One In Charge, tell dis bout Jehoiakim, da king fo Judah: He no goin get nobody from his blood line fo sit on top David throne. Da peopo goin throw out his mahke body, an da body goin stay in da hot sun an in da cold, nite time.

Jeremiah 36:6

So da nex time da peopo come togedda inside da Temple Fo Da One In Charge, fo skip food wen dey pray, you go dea. You go read from da book to da peopo da tings Da One In Charge wen tell me, dat I wen tell you fo write. Make shua you read um fo all da Judah peopo, even da ones dat come hea from dea small towns.

Jeremiah 8:2

Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.

Ezekiel 19:8

Den da odda peopos attack him, Da ones from da countries aroun dea. Dey lay dea net fo catch um, An dey trap him down inside one deep hole dey wen dig.

Ezekiel 39:5

You goin fall down mahke on top da open fields. Cuz az wat me Da One In Charge, da Boss, promise fo do.