Jeremiah 22:18 - Hawaii Pidgin Bible

¹⁸ Az why dis wat Da One In Charge tell bout Jehoiakim, Josiah boy, dat come king fo da Judah peopo afta King Josiah mahke: “Da ohana peopo no goin stay sad inside Wen Jehoiakim mahke. Dey no goin tell, ‘Bummahs he wen mahke, braddah! Bummahs, sistah!’ Dey no goin tell, ‘Bummahs, oua king wen mahke! Bummahs, awesome him!’

Jeremiah 22:18 ပူးပေါင်းရင်းမြစ်များ

2 Samuel 1:26

I stay all bum out cuz you mahke, Jonathan my braddah! You wen make me feel real good inside. Yoa aloha fo me was awesome! Mo awesome den da kine love from one wahine!

1 Kings 13:30

Den he put da body inside da tomb he wen make fo wen he mahke, an he cry real hard fo him, “Bummahs, my braddah!”

2 Kings 23:36

Jehoiakim was twenny-five year ol wen he come king, an he stay king inside Jerusalem town fo eleven year. His muddah name Zebidah, Pedaiah girl from Rumah.

2 Kings 23:6

He take da tiki pos fo da wahine god Asherah outa da Temple Fo Da One In Charge, an take um by da Kidron Stream outside Jerusalem, an burn um ova dea. He smash da res fo come jalike powda, an throw da ashes all ova da town cemetery.

2 Kings 24:6

Da peopo bury Jehoiakim wit his ancesta guys inside David big town. Koniah, his boy, come da nex king.

1 Records 3:15

Josiah boys: Johanon da boy numba one fo born. Jehoiakim da boy numba two fo born. Zedekiah da boy numba three fo born. Shallum da boy numba four fo born.

2 Records 35:25

Jeremiah make up sad kine songs fo no foget Josiah, an still yet today all da guys an wahines dat sing no foget Josiah wit dose sad kine songs. Dey stay make um da funeral songs fo da Israel peopo, an write down how fo sing dose sad kine songs.

2 Records 36:5

Jehoiakim twenny-five year ol wen he come king, an he stay da king inside Jerusalem eleven year. He do bad kine stuff, da way his God, Da One In Charge, see him.

Jeremiah 16:4

“Dey goin mahke cuz a all bad kine sick. No mo nobody goin stay sad inside an cry fo dem. No mo nobody goin bury dem. Dea mahke bodies goin lay on top da groun jalike rubbish. Dey goin mahke from da war, an cuz no mo food. Dea mahke bodies goin come food fo da birds an da wild animals.”

Jeremiah 16:6

“Da importan peopo an da not so importan kine peopo, dey all goin mahke inside dis land. No mo nobody goin bury dem, an no mo nobody goin stay sad inside an cry fo dem. No mo nobody goin cut dea body o make dea head bolohead fo show dey stay sad inside.

Jeremiah 21:11

“An tell da Judah king an his ohana dis: ‘Lissen wat Da One In Charge tell.

Jeremiah 22:10

No cry fo da mahke king Josiah No stay sad inside cuz a him. Mo betta, cry plenny fo King Jehoahaz Dat stay in prison inside one far land. Cuz he no goin come back. An he no goin see da land wea he wen born no moa.

Jeremiah 22:12

He goin mahke inside da place wea da Babylon guys wen take um cuz he one prisona. He no goin see dis land one mo time.”

Jeremiah 34:5

You goin mahke wen you ready fo mahke. Jalike da peopo make one big fire fo show respeck fo da king guys dat was yoa ancestas befo time wen dey mahke, da peopo goin do da same ting wen you mahke. Dey goin cry plenny an tell: Pooa ting, oua boss! So dass da promise dat me, Da One In Charge, make fo you.’ ”

Jeremiah 36:30

Az why me, Da One In Charge, tell dis bout Jehoiakim, da king fo Judah: He no goin get nobody from his blood line fo sit on top David throne. Da peopo goin throw out his mahke body, an da body goin stay in da hot sun an in da cold, nite time.