Jeremiah 22:17 - Hawaii Pidgin Bible

¹⁷ “But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 22:17 ပူးပေါင်းရင်းမြစ်များ

1 Kings 21:19

Tell dis to Ahab: ‘Dis, wat Da One In Charge tell: Fo shua, you wen kill one guy, an den you take ova his farm!’ “Den tell um dis too: ‘Dis, wat Da One In Charge tell: Da same place wea da dogs wen suck up Nabot blood, dey goin suck up yoa blood too!’ ”

2 Kings 23:37

Jehoiakim do bad kine stuff, da way Da One In Charge see um, jalike eryting his ancesta guys wen do.

2 Kings 24:4

Dis Manasseh guy, he even wen kill plenny peopo dat neva do notting wrong, jalike he stay pour dea blood all ova Jerusalem town. Da One In Charge stay shua, he no goin let Manasseh go fo wat he wen do.

2 Records 36:8

Da odda stuff dat Jehoiakim do, da pilau kine stuff he wen do, an eryting peopo find out agains him, dey write um inside da book fo da kings fo Israel an Judah. An his boy Koniah come king afta him.

Job 31:7

I neva tell ‘Laytas’ to da way God like fo me go. I neva like get all da tings I look at. My hands neva grab someting dey not suppose to touch.

Songs 10:3

Cuz dem bad guys talk big Bout da bad tings dey like do. Dey talk real good Bout da ones dat take stuff away from odda peopo, Same time, dey talk pilau bout Da One In Charge, Jalike he no mean notting.

Outa Egypt 18:21

Same time, from all da peopo, go find an pick guys dat can handle dis job. Pick da kine dat stay sked weneva dey stay in front God cuz dey get awesome respeck fo him. Dey gotta be da kine guys you can trus, an dat no goin make any kine jus fo get plenny money. Make some a dem da main leada guys fo tousan peopo, an odda ones da main leada guys fo hundred peopo, fifty peopo, an ten peopo.

Smart Guys 24:2

Cuz da bad guys ony like tink How fo hurt somebody. Da way dey talk, Az ony fo make trouble.

Isaiah 56:11

Da leada guys, dey jalike greedy dogs Dat no get enuff fo eat! But same time, dey da ones Dat suppose to take kea da peopo Jalike da guys dat take kea da sheeps, But dey no undastan notting! All dem turn away An go any place dey like. Dey ony tink fo get eryting fo ony dem.

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Jeremiah 19:4

Az cuz da peopo wen bag from me. Dey make dis landfill come one place fo da gods from odda places. Dey burn sacrifice ova hea fo da idol kine gods dat dey neva know befo time. Dea ancesta guys an da Judah kings neva know dose gods befo time too. An dis da place dey wen kill plenny peopo dat neva do notting wrong.

Jeremiah 22:3

“ ‘Dis wat Da One In Charge tell: Inside dis place, judge da right way an do wat stay right. Make shua da guys dat rip off peopo no hassle da ones dey wen steal from da firs time. Fo da guys not from dis place, an da guys dat no mo faddah o muddah, o da wahines dat no mo husban, no go do stuff fo hurt dem o bus um up. No go kill somebody dat neva do notting wrong.

Jeremiah 6:13

“From da guys dass not importan to da importan guys, Erybody stay greedy fo get plenny stuffs. Da guys dat make jalike dey talk fo me, an da pries guys, Dey all bulai peopo fo get stuff.

Jeremiah 6:6

Dis wat Da One In Charge tell, da God Ova All Da Armies: “Cut down da trees aroun Jerusalem town, Pile up dirt dea fo go ova da wall! Time fo da peopo inside Jerusalem fo get punish. Cuz erybody inside dea back stab each odda.

Jeremiah 7:6

You guys no goin give hard time to da peopo from odda places dat stay live wit you guys, o da kids dat no mo faddah, o da widow wahines. You guys no goin go kill da peopo dat neva do notting wrong inside dis land. You guys no goin stay tight wit odda gods cuz dat goin hurt you guys.

Jeremiah 8:10

“Az why I goin give dea wifes to odda guys. An I goin give dea fields to odda guys dat like take ova um. From da mos importan guy to da mos small guy, All dem greedy fo get eryting fo ony dem. Even da guys dat suppose to talk fo me An da pries guys, dey all same same. All dem bulai.

Ezekiel 18:12

He do bad kine tings to da peopo dat no mo notting, az da ones dat need help. He rip off peopo too. Wen he loan money an keep someting da odda guy own fo make shua da guy pay um back, den wen da odda guy pay wat he owe, dis guy no give back da ting right den an dea. He trus da idol kine gods. He do pilau kine stuff.

Ezekiel 19:6

He come da leada ova all da odda lions Cuz he strong. He learn how fo rip up da animals he kill, An he eat up peopo too.

Ezekiel 19:7

He bus up da towns dat get strong wall in da nations aroun dea, An wipe out da odda towns aroun dem. All da peopo inside da land Come real sked wen he make noise.

Ezekiel 19:9

Dey tie um up An pull um inside one cage Fo bring um by da Babylon king. Dey put um inside one prison ova dea, So no can hear his voice one mo time on top da Israel mountains.

Ezekiel 22:6

“All yoa Israel prince guys use dea powa fo kill peopo!

Ezekiel 33:31

My peopo come yoa house an go inside. Dey sit down in front you an hear wat you tell. But dey no do wat you tell! Dey ony talk bout sex, an inside dem dey like rip off peopo fo get eryting fo ony dem.

Micah 2:2

Dey fo real kine like grab odda peopo fields fo ony dem, An steal dea houses. Dey put presha on peopo an scam um, Den dey take away dea house an dea property.”

Micah 3:10

You guys kill peopo fo you build up Mount Zion, An judge da wrong way fo you build up Jerusalem town.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Rome 1:29

Dey full a stuff dass not pono, an real bad kine stuff. Dey greedy buggahs dat get real pilau attitude. Dey all jealous. Dey like kill peopo. Dey like beef erybody. Dey sneaky buggahs. Dey ony tink bad kine stuff. An dey tell stuffs dey not suppose to tell bout odda guys.

1 Corint 6:10

da steala guys, da greedy guys dat like hog eryting ony fo dem, da piloot guys, da peopo dat talk any kine to anodda guy face, da peopo dat con da odda guy—fo all dese kine peopo, no way dey goin get God fo dea king!

Colosse 3:5

Az why, throw way all dese tings inside you dat come from dis world. No go fool aroun wit somebody you no stay married to. No do pilau kine stuff. No tink pilau kine stuff. No tink plenny bout da kine bad stuff dat ony you like do. No try get eryting fo ony you, cuz da stuff you get goin come one idol kine god fo you.

Joshua 7:21

Wen us guys take all da stuff from Jericho, I see one nice looking Babylon robe, wit five poun silva an one gold bar dat weigh mo den one poun. I wen like um, so I take um. I hide um unda da groun inside my tent, an da silva unda da odda stuff.”

2 Peter 2:14

Dey ony like check out da wahines fo try make um fool aroun behind dea husban back. Dey buckaloose fo do bad kine stuff. Dey stay look fo peopo dat ony trus God litto bit fo dem try make um do bad kine stuff. Dey ony good fo make peopo come mo an mo greedy. God goin punish dem fo shua!

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

1 Samuel 8:3

But Samuel boys no do stuff jalike dea faddah. Dey go da wrong way fo da money. An dey take unda da table money too! Dey suppose to judge wass right an wass wrong. But erytime, dey make shua dat dey judge da wrong way.