Jeremiah 20:4 - Hawaii Pidgin Bible

⁴ Cuz dis wat Da One In Charge tell: ‘I goin make you an all yoa frenz come real sked. You goin see da guys dat stay agains oua peopo use dea swords fo kill yoa frenz. I goin give da Babylon king powa ova all you Judah peopo. He goin take some a you guys Babylon side, an tell his guys kill some a you wit swords.

Jeremiah 20:4 ပူးပေါင်းရင်းမြစ်များ

2 Kings 25:7

Da firs ting dey do, dey make Zedekiah watch wen dey kill his boys. Den one a dem poke out Zedekiah eyes. Dey tie him wit two bronze leg chain, an take him Babylon side.

Songs 73:19

Real fas, God make dem real sked An wase um! Horraz kine stuff Goin come on top dem, An dey goin mahke cuz a dat!

Jeremiah 13:10

Dese peopo, dey real bad. Dey no like lissen wat I tell um. Dey ony like do wat dey like do, cuz dey hard head. An dey go afta gods dat not dea god, fo dem work fo dose gods, an go down an show respeck fo dem. Cuz a dis, dey goin come jalike dis malo, good fo notting.

Jeremiah 13:19

Fo da big towns South Judah side, Da gates goin stay shut. No goin get nobody dea fo open um. All da Judah peopo goin go way cuz dey prisonas, Erybody goin go!

Jeremiah 19:15

“Da One In Charge tell dis. He da God Ova All Da Armies, an da God fo da Israel peopo. He tell: Lissen up! Inside dis big town an da small towns aroun um, I goin make happen all da real bad kine stuff I wen tell dem dat I goin do befo I do um. Cuz dey hard head, an dey no like lissen wat I tell.”

Jeremiah 20:6

An you, Pash-hur, an erybody dat stay live inside yoa house, all you guys goin come prisonas. You goin go Babylon side, an dass da place you goin mahke, an dey goin bury you dea. Same ting fo you an all yoa frenz—you wen ack jalike one guy dat talk fo God, but you ony tell yoa frenz bulai stuff.’ ”

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 29:21

Dis wat me, Da One In Charge, da God Ova All Da Armies, da God fo da Israel peopo, tell bout Ahab Kolaiah boy, an Zedekiah Maaseiah boy. Dey tell dat dey talk fo me, but dey stay bulai you guys. Az why I goin make dem come prisona guys fo Nebukadnezzar, da king fo Babylon, an he goin tell his guys kill dem in front you guys.

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 52:24

Nebuzaradan make Seraiah da Main Pries Guy his prisona, an Zefaniah da numba two pries guy, an da three guys dat guard da main door fo da Temple.

Jeremiah 52:27

Ova dea, Riblah town Hamat side, da Babylon king tell his guys fo kill all dem. Az how da Judah peopo wen come prisonas an go way from dea land.

Jeremiah 6:25

No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!

1 Samuel 2:33

Anybody inside yoa ohana dat stay alive an work in front my altar, dey ony goin do da kine stuff dat goin make you cry, an make you come sore inside. All yoa kids an grankids goin mahke wen dey young.