Jeremiah 20:16 - Hawaii Pidgin Bible

¹⁶ I like fo da guy dat tell my faddah I born, come jalike Sodom an Gomorrah towns, Dat Da One In Charge wen wipe um out an no show pity! I like dat guy hear peopo stay crying morning time, An army guys stay yelling fo fight noon time!

Jeremiah 20:16 ပူးပေါင်းရင်းမြစ်များ

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Jeremiah 18:8

an if dose peopo dat I tell, change an come sorry fo da bad kine stuff dey wen do, an no do um no moa, den I goin tink diffren, an I no goin do to dem all da bad kine stuff dat I wen plan fo do to dem befoa.

Jeremiah 23:14

An wit da guys dat suppose to talk fo me inside Jerusalem, I wen spock one even mo bad kine ting: Dey ack jalike one wahine dat fool aroun behind her husban back, An go fool aroun wit da odda gods, An follow da bulaia god Baal. Dey tell da peopo dat do bad kine stuff, ‘Go fo broke!’ So den no mo nobody turn aroun An no do bad kine stuff. Fo me, all dem jalike da Sodom peopo. An da Jerusalem peopo, dey jalike da Gomorrah peopo.”

Jeremiah 26:13

Now go change how you guys ack! Start fo lissen wat yoa God tell, Da One In Charge. Den Da One In Charge goin change da way he make to you guys. He no goin make all da bad kine stuff happen dat he wen tell goin happen fo hurt you guys.

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Sad Song 4:6

Da One In Charge punish my peopo Mo worse den da Sodom peopo wen get punish Fo da bad tings dey wen do. Sodom town come wipe out real fas, No matta nobody attack um.

Ezekiel 21:22

Da ansa come fo take da right side road, cuz dat mean ‘Go Jerusalem! Make big kine wagons fo swing da big tree trunks fo bus down da town gates an open um up! Tell yoa army guys fo kill erybody! Yell fo make sked da peopo you stay fighting! Put da wagons wit da big tree trunks fo smash da town gates! Pile up dirt by da town wall fo da army guys run ova da top! Build towas wit wheels fo da bow an arrow guys shoot down!’

Hosea 10:14

Yoa peopo goin hear da loud noise from da war, An yoa towns wit strong wall goin come wipe out. Jalike wen Shalman wen wipe out Bet-Arbel, da time dey wen fight, Wen dey throw da muddahs an dea kids down on top da groun fo kill um.

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Amos 2:2

Dass why I goin dump fire on top da Moab land Fo burn up da palaces dat get strong wall, Keriot town. Da Moab peopo goin mahke, Goin get war an peopo yelling an trumpet noise.

Amos 4:11

Da One In Charge tell: “I wen wipe out some a da towns wea you guys live, Same ting jalike I wen wipe out Sodom town an Gomorrah town befo time. Some a you guys wen get outa yoa towns alive, aah? Dey jalike sticks dat somebody pull out quick from da fire Dat stay half burn awready. Still yet, you guys no like come back an be my guys!” Dass wat Da One In Charge tell.

Jonah 3:4

Wen Jonah get dea, he start fo go hea an dea inside da town. He walk fo one whole day. He talk fo erybody hear: “Ony get forty days moa, den God goin wipe out Nineveh town!”

Jonah 4:2

Jonah pray to Da One In Charge lidis: “Bummahs! You Da One In Charge! You know, all dis happen jalike I wen tell wen I stay my country! Dass why I wen run away fas fo go Tarshish side, you know. Fo shua you da kine God dat like do good tings fo peopo an show pity fo dem. Take long time befo you come huhu. You stay tight wit yoa peopo long time an give um chance. Dass why you change yoa mind an no punish da bad kine stuff peopo do.

Zefaniah 1:16

One day wen dey goin hear da sheep horn trumpets an yelling fo fight Agains da big towns dat get strong wall, An towas on top da cornas fo da wall.

Zefaniah 2:9

But Da One In Charge, Da God Ova All Da Armies, da God fo da Israel peopo, he tell dis too: “Fo shua I stay alive! Az why da Moab peopo goin come jalike da Sodom peopo, An da Ammon peopo goin come jalike da Gomorrah peopo. Inside dea land, ony goin get Da kine weed dat make yoa skin itch, An dry pukas full a salt, Eryting goin stay all wipe out, foeva. My peopo dat still stay alive goin rip dem off. My peopo dat still stay alive, goin take ova dea land.”

Luke 17:29

But da day Lot wen go way from Sodom, fire an sulfur come down from da sky on top dem an kill um all.

Rules Secon Time 29:22

“Yoa kids dat goin come bumbye, an da peopo from far place goin see all da bad kine stuff dat stay come on top da land, an da kine sick dat Da One In Charge give um.

Rules Secon Time 29:23

Da whole land goin stay jalike was burn up from salt an sulfur. Nobody goin plant notting dea. No can make notting grow dea. No mo notting green come up. Goin be jalike wen Sodom an Gomorrah towns wen come wipe out, an wen Da One In Charge bus up Admah an Zeboiim towns cuz he real mad wit dem.

2 Peter 2:6

Anodda time had da peopo from Sodom town an Gomorrah town. God wen punish dem cuz dey was real bad. He wen burn up eryting all aroun dea, so ony had ashes an da peopo wen mahke. All dis wen happen fo show someting to da odda peopo dat come afta an make jalike God notting. God show um dat da same ting goin happen to dem if dey make lidat.

Jude 1:7

An same ting wit da peopo from Sodom an Gomorrah an all da odda towns aroun dea. Dey buckaloose an dey make all kine sex wit anybody. God use dem fo show erybody dat if he gotta punish somebody, he can punish um foeva wit fire.