Jeremiah 20:11 - Hawaii Pidgin Bible

¹¹ But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 20:11 ပူးပေါင်းရင်းမြစ်များ

Songs 129:2

Da Israel peopo tell, “Az right! From da time us guys Come one nation, All da time peopo Presha us guys plenny! But dey neva ovathrow us!

Songs 35:26

All da ones dat come good inside Weneva someting bad happen to me, I like fo dem get plenny shame Cuz a dat. Da ones dat ack big An make jalike I no good, I like fo peopo No show dem respeck notting.

Songs 40:14

All da ones dat like kill me, I like dem fall down an come shame. Da ones dat feel good inside Wen someting bad happen to me, I like God make dem plenny shame.

Songs 47:2

Da One In Charge, He da mos awesome one! You betta come sked a him! He da main king guy Ova da whole world.

Songs 6:10

All da peopo dat stay agains me, Dey goin come shame an sked outa dea mind! Cuz dey real shame, Dey goin run away quick.

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Songs 66:5

Go come ova hea! Look, da tings God do! Skery, da kine stuff he do!

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 45:16

All da guys dat make idol kine gods, Dey goin get plenny shame. Dey goin all go way togedda, An nobody goin get respeck fo dem.

Jeremiah 1:18

Today, I make you come strong, Jalike one big town wit one strong wall, Jalike one iron pos, An jalike one bronze wall. You goin stan face all da peopo Inside da whole land! You goin go agains da Judah kings an military guys, Da pries guys an da peopo dat live dea.

Jeremiah 1:19

Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Jeremiah 1:8

An no sked a dem wen you go in front dem! Cuz I stay tight wit you, an I goin get you outa trouble. I Da One In Charge, an dass wat I tell you!”

Jeremiah 15:15

Den I tell: “You Da One In Charge, you know how I stay. No foget me! You gotta take kea me. Pay back da peopo dat stay come afta me. No wait long time fo get mad wit dem. You gotta get me outa dis! You know how dey make me come shame Cuz I yoa guy.

Jeremiah 15:20

I goin make you come jalike one bronze wall Dat dese peopo no can broke down. Dey goin make war agains you, But dey no goin win ova you. Cuz I stay wit you Fo get you outa trouble. Dass me, Da One In Charge, tell you dis!

Jeremiah 17:18

“Da guys dat stay come afta me, I like you make dem come shame, But no make me come shame. Bum dem out, but no bum me out. Make bad kine stuff happen to dem, An bus um up, ova an ova!”

Jeremiah 22:22

I goin make all yoa leada guys come prisonas Jalike one strong wind blow um away. All da ones dat can help you fight Goin come prisonas an go one far place. Den, you goin get plenny shame an lose face, Cuz a all da bad kine stuff you wen do.

Jeremiah 23:40

I goin make you guys come shame in front erybody foeva, an I goin make you lose face foeva, an no mo nobody goin foget dat.”

Jeremiah 32:18

You stay tight wit uku tousan generation a yoa peopo. But wen you pay back peopo fo da bad kine stuff dey wen do, even dea kids get hurt too. You da God dat stay awesome an get plenny powa. Da peopo dat know wat kine god you, dey call you Da One In Charge, da God Ova All Da Armies.

Daniel 12:2

Plenny peopo dat stay mahke, jalike dey stay sleep unda da groun, dey goin come alive one mo time, jalike dey wake up. Some a dem goin come alive fo get da kine life dat stay foeva. Odda peopo goin come alive fo come shame foeva, an odda peopo goin feel pilau wen dey even tink bout dem.

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.