Jeremiah 2:9 - Hawaii Pidgin Bible

⁹ “Az why I poin finga you guys one mo time. An I goin do dis agains yoa kids an grankids too.” Dass da message from Da One In Charge.

Jeremiah 2:9 ပူးပေါင်းရင်းမြစ်များ

Songs 50:4

He tell da sky an da earth, “Eh, come watch dis! I goin judge my peopo!

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Isaiah 3:13

But Da One In Charge, he go in front da court fo make argue. He stan up fo judge da peopo.

Isaiah 43:26

Tell me fo me know Someting good you guys wen do befoa. Den we can make argue togedda, An you can tell me bout um, Fo show you okay.

Jeremiah 2:29

Da One In Charge tell, “How come you guys poin finga me? All you guys go agains me.

Jeremiah 2:35

But you guys tell, “Me, fo shua I neva do notting wrong. God no stay huhu wit me now.” But me, God, I da One goin poin finga you guys, Cuz you tell, “I neva do notting wrong.”

Hosea 12:3

Wen Jacob wen stay inside his muddah, He grab his braddah heel. An wen he grow up, he wresso wit God.

Hosea 2:2

“But now, Tell yoa kids fo scold dea muddah good, (Her, da Israel peopo, you know.) Cuz her not my wife, An me not her husban. Her gotta no look jalike one hoa, An her gotta pau sleep wit odda guys On top her breases.

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Prieses 20:5

I goin go agains whoeva make da sacrifice fo Molek, an agains dea ohana. I goin cut dem off so dey not my peopo no moa. Same ting fo erybody dat make jalike dem, cuz dey make jalike one hoa wen dey go down in front Molek, cuz dey ony suppose to go down in front me.

Micah 6:2

“Lissen wat me Da One In Charge tell Fo poin finga my peopo. Let da mountains hear dat. Dey da strong foundations Fo da earth dat stay foeva. Lissen cuz Da One In Charge know How come he poin finga his peopo, Da Israel peopo!