Jeremiah 2:35 - Hawaii Pidgin Bible

³⁵ But you guys tell, “Me, fo shua I neva do notting wrong. God no stay huhu wit me now.” But me, God, I da One goin poin finga you guys, Cuz you tell, “I neva do notting wrong.”

Jeremiah 2:35 ပူးပေါင်းရင်းမြစ်များ

Job 33:9

‘Me, I stay clean an no do notting bad. I no mo da blame fo notting.

Smart Guys 28:13

Whoeva do stuff agains God, An den try fo cova up wat dey wen do, Garans stuff no goin come out good fo dem. Whoeva do stuff agains God, But den dey tell God dey wen do wass wrong, An no make lidat no moa, God give dem chance.

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Jeremiah 16:10

“Wen you tell da peopo all dis stuff, dey goin tell, ‘How come Da One In Charge make all dis real bad kine stuff happen to us?! Wat we wen do dass wrong?! Wat bad kine stuff we wen do agains oua God, dass Da One In Charge a us?!’

Jeremiah 2:23

“How come you guys tell, ‘Us guys not pilau! We no go pray to da Baal kine gods!’? Try tink how you guys wen ack inside da valley Wea peopo make sacrifice to da odda gods. Try tink wat you guys do ova dea. You guys jalike one wahine camel dat hard up fo find one boy kine camel. You guys run hea an dea.

Jeremiah 2:29

Da One In Charge tell, “How come you guys poin finga me? All you guys go agains me.

Jeremiah 2:9

“Az why I poin finga you guys one mo time. An I goin do dis agains yoa kids an grankids too.” Dass da message from Da One In Charge.

Jeremiah 25:31

Da big noise goin go to da mos far places on top da earth. Cuz Da One In Charge goin poin finga da peopos. He goin go agains erybody dat stay alive. He goin go afta da guys dat do wass wrong wit his sword.’ ” Az wat Da One In Charge tell.

Ezekiel 17:20

Jalike I goin set one trap fo him an catch um. I goin take him Babylon side. I goin judge him an punish him ova dea cuz a da way he ack. I no can trus um.

Rome 7:9

Da way I live befo time, I neva know da Rules. Den bumbye, I find out dat God tell dat get tings I not suppose to do—an right den an dea, jalike all da bad kine stuff inside me wen wake up an make me like do dose tings real bad!