Jeremiah 2:27 - Hawaii Pidgin Bible

²⁷ Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Jeremiah 2:27 ပူးပေါင်းရင်းမြစ်များ

2 Records 29:6

Da way oua ancesta guys wen ack, Da One In Charge no can trus dem. Dey wen do bad kine stuff da way oua God, Da One In Charge, see um, an dey bag from him. Dey tell ‘Laytas’ to da place wea Da One In Charge stay, an turn dea back to him.

Isaiah 26:16

Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Jeremiah 18:17

I goin make dem go all ova da place In front da peopo dat stay agains dem, Jalike one wind from da dry boonies throw dirt all ova da place. I goin make deaf ear to dem Wen time fo wipe dem out.”

Jeremiah 2:24

O you guys jalike one wahine kine wild donkey Dat know how fo live inside da boonies. She smell da wind, cuz time fo go look fo one boy kine donkey. She stay hard up, An no mo nobody can stop her. If da boy kine donkeys like go afta her, Dey no need run fas an come tired. Easy fo dem find her cuz she ready.

Jeremiah 22:23

You da king dat live inside Lebanon kine palaces, Dat get cedar wood fo make high makamaka. You goin moan plenny wen you start fo hurt, Jalike one wahine wen she born one bebe.”

Jeremiah 3:9

Da Israel peopo, no bodda dem wen dey go fool aroun in front da idol kine gods dat peopo make from stone an wood. Az why dey make da land pilau.

Jeremiah 30:7

Eryting goin come real bad! Goin come real hard fo erybody! No goin get anodda day like dat! Too much presha fo da peopo dat come from Jacob! But me, Da One In Charge, I goin get dem outa dat trouble.”

Jeremiah 32:33

Dey turn dea back to me an make jalike dey no give a rip, no matta I wen teach dem ova an ova. Wen I teach dem stuff, dey no lissen fo change wat dey do.

Jeremiah 37:3

Still yet, Zedekiah wen sen Jehucal, Shelemiah boy, an da pries guy Zefaniah, Maaseiah boy, by Jeremiah fo tell um: “Pray to oua God, dass Da One In Charge a us, fo help us guys!”

Jeremiah 42:2

dey go by Jeremiah, da guy dat talk fo God. Dey tell um, “Us guys get one real importan ting we like aks you fo do! We like you fo pray to yoa God, Da One In Charge, fo us guys, fo help all us an oua peopo dat stay still yet inside da land. Cuz how stay fo us, we ony litto bit peopo now. Befo time, we wen come plenny peopo, but dass not how stay now.

Ezekiel 23:35

Az why dis wat me, Da One In Charge, tell: You wen foget bout me an make like you donno who me. Cuz a dat, I goin punish you cuz you come pilau an fool aroun fo money.”

Ezekiel 8:16

Den he take me to da inside open lanai aroun Da One In Charge temple. Ova dea, nea da Temple door, in da middo wit da Temple lanai on one side an da altar on da odda side, get bout twenny-five guys. Da Temple Fo Da One In Charge stay in back a dem, an dey stay look to da east side. Dey stay go down on top da groun in front da sun god on da east side fo show respeck.

Daniel 9:7

“Boss, you do da right ting erytime. But today, even mo den befo time, us guys get plenny shame an lose face cuz a wat us wen do. Us peopo from Judah an Jerusalem an all ova Israel, no matta we stay nea o far, us wen broke yoa rules an no stay tight wit you. An same ting inside all da odda lands wea you wen make us go.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!