Jeremiah 2:22 - Hawaii Pidgin Bible

²² “No matta you guys wash yoa pilau clotheses wit stuff fo make um clean, An use plenny soap, Still yet, I see you guys get da blame, Jalike you get one bad kine stain.” Dass da message from Da One In Charge, da Boss.

Jeremiah 2:22 ပူးပေါင်းရင်းမြစ်များ

2 Samuel 11:12

David tell um, “Stay ova hea one mo day, an tomorra I goin sen you back.” So Uriah stay Jerusalem all dat day, till da nex day.

Job 14:17

Jalike you goin put all da wrong tings I do Inside one bag dat you put one seal on top um, An cova ova all da bad kine stuff I wen do.

Songs 130:3

Da One In Charge, I know You no make one lis A all da bad tings da peopo do, Cuz if you make one lis lidat, Fo shua no mo nobody Goin stay alive!

Songs 90:8

All da time, us guys do tings We get da blame fo. But you know, right den an dea. Us guys do bad tings An hide um from you. But you see um, Jalike get one spotlight on top um.

Jeremiah 16:17

Cuz I can spock um, ery place dey go. Dey no can hide from me. Dey no can hide da bad kine stuff dey do fo me no see um.

Jeremiah 17:1

“Da bad kine stuff da Judah peopo do, Jalike somebody stay write inside dem Wit one real sharp iron chisel o wit diamond poin, Jalike stay write on top one metal plate, An jalike fo write um on top da tings jalike horns Dat stick out from da cornas a dea altars.

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Ezekiel 24:6

“Cuz dis wat me, Da One In Charge, da Boss, tell: Jerusalem town goin come all bus up! You Jerusalem peopo betta watch out! You guys, az yoa big town wea dey kill peopo! Yoa town, jalike one pot dat get bad kine stuff stay stick inside um! No mo nobody can scrub um off! Hemo all da stuff from inside da pot, piece by piece. Cuz all da pieces same same, no good!

Hosea 13:12

“Da Efraim peopo get plenny blame. I write one lis a all da bad kine stuff dey do, An I keep dat lis fo punish.

Amos 8:7

Amos tell dis: “Da Israel peopo, dey get real big head cuz dey come from Jacob an feel proud bout Jacob. Da One In Charge wen make one strong promise lidis: “Fo shua, I no goin foget Da tings da Israel peopo wen do, eva!

Rules Secon Time 32:34

“Me, eryting I make one plan fo do, I keep um in one good place wit me An lock um up wea I put all my rich stuffs.