Jeremiah 2:20 - Hawaii Pidgin Bible

²⁰ “Long time befo time you guys wen no do wat I tell you fo do, Jalike one cow dat broke off da yoke fo pull da wagon, An broke da ropes dat tie um. You guys wen tell, ‘Us no goin work fo you!’ Fo shua, unda da trees wit plenny leaf on top ery big hill, You guys ack jalike da wahines Dat make sex dea fo get money.

Jeremiah 2:20 ပူးပေါင်းရင်းမြစ်များ

1 Kings 12:32

Den Jeroboam tell da peopo dey gotta make one spesho religious kine ceremony ery year Octoba, same time jalike da spesho time wen da Judah peopo go live inside shacks. An Jeroboam make sacrifices on top da altar he wen build. He do dat Bethel side, fo make one sacrifice fo da idol kine gods he wen make, dat look jalike bebe cows. He get da peopo fo come prieses fo all da small kine sacrifice houses he wen build on top da hills fo pray to da odda gods too.

1 Kings 14:23

Dem guys make spesho kine places on top da high part a da hills fo make sacrifice, an dey stan up big stones fo make places fo pray, an put poses fo pray to da wahine god Asherah, on top da high part a ery hill an unda ery big tree dat get plenny leaf.

Songs 107:14

God bring dem outa da real dark places. He broke da chains dat stay tie um up.

Songs 2:3

Dey tell: “Eh! God wen tie up us guys Wit yoke straps, But we go broke um! He tie us wit ropes, But we get rid a dem!”

Songs 78:58

Wen dey make place fo pray On top da hills, Dey make God feel bad. Dey go down an pray To dea idol kine gods, An dat make God come jealous.

Outa Egypt 19:8

Da peopo, dey tell Moses all togedda, jalike one voice, “Eryting Da One In Charge tell, we goin do um!” Moses go back by Da One In Charge an tell um wat da peopo wen tell.

Outa Egypt 24:3

Moses go by da peopo. He tell um all da tings Da One In Charge wen tell him, an all da Rules. All da peopo tell him togedda, “Eryting Da One In Charge tell we gotta do, we goin do um!”

Outa Egypt 3:8

Az why now, I come hea fo get my peopo outa dea, fo da Egypt guys no make any kine no moa. I goin bring um outa dat land to one good land wea get plenny room fo erybody, an ery place get plenny milk an honey. I stay talk bout da place wea da Canaan peopo, da Het peopo, da Amor peopo, da Periz peopo, da Hiv peopo, an da Jebus peopo live now.

Isaiah 1:21

Bummahs! You see da peopo inside da big town Dat I wen trus befo time, Dey come jalike one hoa. Befo time, dey stay tight wit me, An wen dey judge peopo, dey do um da right way. All da time dey stay do wass right. But now, ony get guys ova dea Dat ony like kill peopo!

Isaiah 10:27

Dat time, da Assyria peopo no goin be dea, Jalike wen God go hemo One heavy load from yoa back, O jalike wen God open da yoke from yoa neck, An den you goin come big an strong one mo time.

Isaiah 14:25

Wen da Assyria guys come inside my land, I goin smash um An step all ova um On top my mountain. Dey goin try fo put da yoke on top dem, But no goin stay. Dey goin try fo make my peopo carry one heavy load on top dea back, But I goin take da load off from dea.”

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Jeremiah 13:27

I wen look an see da pilau kine tings you guys do On top da hills in da countryside. You guys fool aroun wit da guys an wahines Dat not yoa husban o wife. You guys come hot up an fool aroun fo money. Bummahs, you Jerusalem peopo! How long you goin stay pilau?”

Jeremiah 17:2

Even dea kids no foget fo pray in front da altars fo odda gods, An in front da tiki poses fo da idol kine wahine god Asherah, An undaneat ery big tree dat get plenny leaf An on top da high hills.

Jeremiah 2:31

You peopo dat live nowdays, Tink bout wat I tell! Dis me, Da One In Charge! You Israel guys tink I jalike da empty boonies fo you, O I jalike one land wea eryting stay real dark, o wat? How come my peopo tell, “We goin go wea eva we like go! No way we goin go back by you no moa!”?

Jeremiah 3:13

But one ting I tell you guys gotta do— You gotta tell wat you wen do az wrong, An dat you guys wen go agains me, yoa God, Da One In Charge, An dat you guys fool aroun all ova da place Wit odda peopo gods, Unda all da trees dat get big shade. An wen I talk, you guys no lissen, you make deaf ear! Az wat Da One In Charge tell.’ ”

Jeremiah 30:8

Da One In Charge, da Boss Ova All da Armies, tell: “Dat time, jalike I goin broke da yoke off dea neck. I goin cut da ropes dat tie um. Dey no goin be slaves no mo Fo guys from anodda place dey donno.

Jeremiah 5:5

Az why I goin go by da leada guys an talk to dem. Fo shua dose guys know how Da One In Charge like fo dem live An wat dea God tell Bout wass right an wass wrong. But all dem guys ack jalike cows An broke off God yoke An broke da rope dat tie dem wit him.

Ezekiel 16:28

You wen go fool aroun wit da Assyria guys too, cuz you like fool aroun wit dea gods, an afta, you still tink you no fool aroun enuff!

Ezekiel 16:31

Befo time you wen make one dirt mound fo build one altar fo da idol kine gods, da top a all da streets an inside ery town square. But dat time, you neva make jalike one hoa, cuz you wen make sex but you neva take money fo do dat.

Ezekiel 16:41

Dey goin burn down yoa houses an punish you in front plenny wahines. I goin make you pau fool aroun an you no goin pay yoa guys no moa.

Ezekiel 20:28

I wen bring dem inside da land dat I wen make one strong promise fo give dem. But den, erytime dey see one high hill o one tree wit plenny leafs, dass wea dey make dea sacrifices dat make me come huhu. Dass wea dey put out dea stuffs dat smell nice an make you feel good. Dey pour out dea drink sacrifice dea too.’

Ezekiel 23:5

“Oholah, she fool aroun wit odda guys wen she still stay my wife! She stay hot up fo fool aroun wit da Assyria army officer guys,

Hosea 1:2

Wen Da One In Charge start fo use Hosea fo talk to da Israel peopo, he tell Hosea, “Go marry one hoa, so some a her kids goin come from guys dat not her husban. Dass fo show dat da Israel peopo, same way dey tell ‘Laytas’ to me an fool aroun wit odda gods!”

Hosea 2:5

Wen dea muddah fool aroun. She come hapai but she no mo shame. She tell, ‘I goin go afta da guys dat make sex wit me, Da ones dat give me my food an watta, My wool, my linen, my olive oil, an my wine.’

Hosea 3:3

Den I tell her wat she gotta do: “You goin live wit me long time. You no goin be one hoa no moa, an you no goin sleep wit odda guys, not even wit me.”

Hosea 4:13

Dey make sacrifice on top da mountains. Dey burn incense on top da hills, Unda da oak tree, da poplar tree, an da terebint tree, Dey do um wea get good shade. “Az how come yoa girls come hoaz, An az why yoa daughtah-in-laws go fool aroun Behind dea husban back.

Hosea 9:1

You Israel peopo, no yell jalike you stay good inside! No ack jalike da odda peopos wen dey amp out. I tell dat cuz you guys no stay tight wit yoa God. Ery place wea peopo split da wheat from da junks, You guys like get money Cuz you fool aroun wit idol kine gods!

Prieses 26:13

I yoa God, Da One In Charge. I wen bring you guys outa Egypt, so you guys no gotta be slaves fo da Egypt peopo no moa. I wen broke da yoke dey wen put on top you guys neck fo you guys walk an no hang yoa head an no need come shame.

Nahum 1:13

Now, jalike I goin broke da Assyria yoke from on top yoa neck, An jalike I goin pull off da straps dat tie you to da yoke.”

Rules Secon Time 12:2

Broke down all da sacrifice place on top da high mountains an hills, an unda ery tree dat get plenny green leaf. Dis da kine place wea da peopo dat stay dea, go down in front dea gods. But you guys goin take ova dea land.

Rules Secon Time 15:15

No foget, you guys was slaves too, Egypt side, an yoa God, Da One In Charge, wen do wat he gotta do fo get you guys outa dea. Az why I tell you guys today fo give da slave guys plenny wen you let um go.

Rules Secon Time 26:17

You guys tell today in front erybody, dat Da One In Charge, he da God fo you guys, an you goin live da way he tell, do wat his rules tell, an do wat he tell you gotta do, make diffren kine to da good peopo an da bad peopo, an lissen wat he tell.

Rules Secon Time 4:20

But fo you guys, Da One In Charge wen take you guys outa Egypt, wea you guys work plenny, jalike you guys stay inside one real hot fire dat can melt iron. He get you guys outa dea fo come his peopo, his kids, an az wat you guys stay now.

Rules Secon Time 4:34

No mo any odda god eva dat wen take his peopo outa da land wea odda peopo stay! God wen make da Egypt peopo suffa fo tes um. He show how strong him wen he make dem come sick. He do unreal tings, an make war, an show his powa an do plenny real awesome an unreal kine stuff. Dass wat yoa God, Da One In Charge, wen do fo you guys Egypt side, an you guys see um happen!

Rules Secon Time 5:27

So you Moses, go nea God an lissen all da stuff oua God, Da One In Charge, tell you. Den you come back tell us guys wat God wen tell you, an us goin lissen an do um.’ ”

Joshua 1:16

Da peopo tell Joshua, “We goin do eryting you tell us fo do, an we goin go wea eva you sen us.

Joshua 24:24

Da peopo tell Joshua, “Us goin work fo oua God, Da One In Charge, an lissen him!”

Joshua 24:26

Joshua write all dat inside da Book Fo Da Rules From God. Den he put up one big stone unda one oak tree, nea da place dat stay spesho fo Da One In Charge.

Jesus Show 17:1

Den, jalike one dream, one a da seven angel messenja guys dat get da seven bowl wen come tell me, “Go come fo me show you how God goin punish da big hoa dat get her throne nea da big ocean.

Local Leadas 10:6

One mo time, da Israel peopo do bad kine stuff da way Da One In Charge see um. Dey work fo da Baal gods, da Ashterot gods, da gods fo da Aram peopo, da gods fo da Sidon peopo, da gods fo da Moab peopo, da gods fo da Ammon peopo, an da gods fo da Filisha peopo. Da Israel peopo bag from Da One In Charge, an no work fo him no moa.

Local Leadas 2:11

Den da Israel peopo do bad kine stuff da way Da One In Charge see um, an dey work fo da Baal gods.

Local Leadas 2:13

cuz dey bag from him, an work fo da Baal god, an da Ashterot gods.

1 Samuel 12:10

Yoa ancesta guys wen yell to Da One In Charge, an tell, ‘We wen do bad kine stuff! We wen bag from you, Da One In Charge, an work fo da Baal gods an da Ashtoret gods! But now, Da One In Charge, get us outa trouble from da guys dat hate us! Den we goin work ony fo you!’