Jeremiah 2:2 - Hawaii Pidgin Bible

² “Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Jeremiah 2:2 ပူးပေါင်းရင်းမြစ်များ

Songs 129:1

All you Israel peopo, tell dis to erybody: “From da time us guys Come one nation, All da time Peopo presha us guys plenny!”

Outa Egypt 14:31

Wen da Israel peopo see how Da One In Charge use his awesome kine powa fo wipe out da Egypt guys, da peopo come sked an get awesome respeck fo Da One In Charge. Cuz a dat, dey stay trus Da One In Charge an his worka guy Moses.

Outa Egypt 16:8

Moses tell dis too: “Da One In Charge goin give you guys all da meat you can eat, sun down time, an all da bread you can eat, morning time. Dass cuz Da One In Charge hear you guys stay grumble bout him. Dat no mean notting fo me an Aaron, cuz you guys no stay grumble to us guys, you stay grumble bout Da One In Charge!”

Smart Guys 1:20

Da stuff peopo get inside Wen dey know wat fo do erytime, Try tink bout um, jalike dass one lady, An dis lady, she make big noise in front plenny peopo! She go da big place wea all da peopo hang out, An talk loud kine fo erybody hear!

Love Song 3:11

Come out, all you Jerusalem wahines! Come look King Solomon wit da crown on top his head! Az da crown his muddah wen put on top his head, Da day he marry his wife, An he stay real good inside.

Love Song 3:6

Eh! Wat dis, dat stay come up from da boonies, Jalike az smoke go up from da groun to da sky? Smell jalike myrrh kine perfume an incense Dat dey make from all da spices dat da trader guys get.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Jeremiah 11:6

Da One In Charge tell me, “Tell all dis stuff I stay tell you inside da Judah towns an on top da Jerusalem streets: ‘No foget wass my deal wit yoa ancesta guys, an do um.

Jeremiah 19:2

Go da Ben Hinnom landfill nea da town gate wea peopo throw da broke kine clay pots. Wen you get dea, tell um da tings I tell you now.

Jeremiah 2:1

Get one message come from Da One In Charge fo me:

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Jeremiah 3:4

Even now, you guys no mo shame Fo call me fo help. You tell, ‘Eh my faddah, You my fren from small kid time!

Jeremiah 7:2

“Stan by da gate fo da open lanai aroun da Temple Fo Da One In Charge. Talk real loud dea fo tell da peopo dis: “ ‘Eh! All you Judah peopo dat come inside dese gates fo go down an show respeck fo Da One In Charge! Lissen wat Da One In Charge tell!

Ezekiel 16:22

You do all pilau kine stuff dat I hate! Wen you fool aroun, an you no rememba wen you was naked, small kid time, you was kicking yoa feet an laying down inside yoa blood.

Ezekiel 16:60

But I no goin foget da deal I wen make wit you wen you was young. I no goin broke my strong promise I wen make wit you cuz dat one goin las foeva.

Ezekiel 16:8

“ ‘Da nex time I go by dea, I wen look you, an I see dat you stay ol enuff fo make love. I spread da corna a my blanket ova you fo cova you cuz you stay naked. Dass how I show I goin take kea you fo come my wife. I make one strong promise to you an make one spesho deal wit you fo you come mines. Az wat me, Da One In Charge, da Boss, tell.

Ezekiel 23:19

But she fool aroun mo an mo fo rememba how was wen she stay young an fool aroun inside Egypt.

Ezekiel 23:3

Dey come hoaz inside Egypt. From young time, ova dea dey let da guys play wit dea breases an squeeze dea nipples.

Ezekiel 23:8

She still stay fool aroun, jalike she was Egypt side wen she stay young. Da Egypt guys ova dea wen make sex wit her, an play wit her breases, an use her jalike one hoa.

Hosea 11:1

Da One In Charge tell, “Befo da Israel peopo come one nation, dey jalike my kid. I get love an aloha fo all dem. An I call out to all dem, ‘Eh my boy! Go come outa Egypt!’

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

Hosea 2:17

I goin take away da names fo da Baal gods from her mout. She no goin talk bout dem no moa.

Hosea 2:7

She goin chase afta da guys dat make sex wit her, But she no goin catch um up. She goin look fo dem, But she no goin find dem. Den she goin tell, ‘Eh! Wase time awready! I goin go back by my firs husban, Cuz wen I stay wit him, Eryting mo betta den now.’

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Hosea 9:10

Da One In Charge tell: “Was nice, firs time wen I wen find da Israel peopo! Az jalike wen you find grapes inside da boonies. Wen I see yoa ancesta guys, Az jalike I wen find da firs ripe fruits on top one fig tree. But wen dey wen come Baal-Peor, Dey go all out fo dat shame kine idol god ova dea. Dey come shame jalike da idol dey love.

Jonah 1:2

“No wait! Go Nineveh town now, da main town Assyria side. Tell all da peopo ova dea, I know awready all da pilau kine stuff dey stay do.”

Matthew 11:15

You guys get ears fo hear, so you betta lissen up!

Luke 12:13

Get plenny peopo ova dea, an one guy tell Jesus, “Teacha, tell my braddah he gotta half half da stuff oua faddah wen leave us wen he mahke, an give me my share.”

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Rules Secon Time 33:3

You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

Rules Secon Time 8:2

No foget how oua God, dass Da One In Charge a us, wen bring you guys all da way inside da boonies fo forty year. He do dat so you guys no mo big head, an fo tes you guys fo find out how you guys tink, if you guys goin do wat he tell you guys fo do, o not.

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!

Jesus Show 2:4

But I get dis agains you guys, dat you guys no mo love an aloha jalike wen you guys wen trus me firs time.