Jeremiah 2:18 - Hawaii Pidgin Bible

¹⁸ So now, how come you guys like get yoa powa from Egypt? You guys like drink watta from da Nile Riva, o wat?! An now, how come you guys like get yoa powa from Assyria? You like drink watta from da Eufrates Riva, o wat?!

Jeremiah 2:18 ပူးပေါင်းရင်းမြစ်များ

2 Records 28:16

Dat time, Ahaz da Judah king sen messenjas by da Assyria king, fo aks da Assyria king fo help him.

Isaiah 23:3

Befo time, dey go on top da big ocean An bring back plenny stuffs, Cuz dey buy an sell seeds Shihor side, An buy da food da Nile Riva peopo harves. Az how Tyre town wen stay Jalike da open market fo all da nations.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 7:20

Dat time, you guys goin pay da king fo Assyria, fo his army come from da odda side a da Eufrates Riva fo help you guys. But wen dey show up, dey goin rip off eryting you guys get. Goin be jalike Da One In Charge stay use one razor fo cut off all da hair from on top yoa head an legs, an even yoa beard, an you goin come shame.

Jeremiah 2:36

How come you guys go dis place an dat place all da time, An no make up yoa mind who you like stay tight wit? Da Egypt peopo goin bum you out, Jalike da Assyria guys wen bum you out befo time too.

Jeremiah 31:22

How long you guys goin wait An donno wea you stay going Befo you make up yoa mind?! You Israel guys jalike da daughtah dat I love, Dat befo time, wen ack Jalike one wahine dat no stay tight wit her husban. Az how me, Da One In Charge, goin do one new ting on top da earth fo change eryting— Jalike if da wahines wen take kea da guys.”

Sad Song 4:17

An oua eyes no can see no moa. Wase time, we try find somebody fo help us. We wen watch from da towas Fo one nation come, but dey no can help us.

Sad Song 5:6

Us guys wen give in to da Egypt guys an da Assyria guys Fo us get enuff food.

Ezekiel 16:28

You wen go fool aroun wit da Assyria guys too, cuz you like fool aroun wit dea gods, an afta, you still tink you no fool aroun enuff!

Ezekiel 17:15

But da Judah king wen go agains da Babylon king. He sen messenja guys Egypt side fo get horses an plenny army guys fo fight. You guys tink da Judah king goin win, o wat?! You guys tink he goin get outa dea, o wat?! Da one dat do dis kine stuff, you tink he can broke da deal an still yet get outa dea, o wat?!

Ezekiel 23:30

Az why dey ack lidat to you. Cuz you stay hot up fo fool aroun wit da odda peopos fo you come pilau wit dea idol kine gods.

Hosea 5:13

“Wen da Efraim peopo an da Judah peopo Wen see dey sick, Den da Efraim peopo wen go Assyria side Fo tell da strong Assyria king help dem. But he no can help you guys. He no can make yoa sores come pau.

Hosea 7:11

“Da Israel peopo wen come jalike one dove, Stupid kine dat no can undastan notting. Firs ting, dey call da Egypt peopo fo help dem. Den dey turn aroun an call Assyria.

Joshua 13:3

from da Shihor Gulch da east side a Egypt, to da Ekron land da north side. Az all da Canaan land (dass wea da five Filisha kings stay, inside Gaza, Ashdod, Ashkelon, Gat, Ekron, an da Avva peopo land).